Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pavlodardaǵy órt bir adamnyń ómirin qıyp ketti

2021 jyldyń 20 qyrkúıek 2021 11:14

PAVLODAR. QazAqparat - Pavlodarda órt kezinde er adam qaza tapty. Eki adam janyp jatqan páterden syrtqa shyǵyp úlgergen, dep habarlaıdy QazAqparat Pavlodarnews-ke silteme jasap.

Oblystyq TJD baspasóz qyzmetiniń málimetinshe, búgin túnde saǵat 03:01-de Ýkraınskaıa kóshesi, 97 mekenjaıy boıynsha órt týraly qońyraý túsken. Bes qabatty turǵyn úıdiń besinshi qabatynda tórt bólmeli páterde 8 sharshy metr aýmaqta jıhaz janyp ketken.
Órt sóndirýshiler kelgenge deıin páter ıesi, 1962 jyly týǵan er adam men jubaıy - 1966 jyly týǵan áıel ózdiginen syrtqa shyqqan. Apattar medıtsınasy ortalyǵynyń brıgadasy olarǵa alǵashqy dárigerge deıingi kómek kórsetken soń Pavlodar qalasynyń № 1 aýrýhanasyna jetkizdi.
- Órt sóndirýshiler as úıden páter ıesiniń tirshilik belgileri joq 1987 jylǵy ulynyń denesin tapty, - delingen habarlamada.

Órt sóndirýshiler podezden 12 adamdy, onyń ishinde 2 balany evakýatsııalady. Órt saǵat 03.47-de sóndirildi. Boljam boıynsha, órttiń shyǵýyna temeki shegý kezindegi abaısyzdyq sebep bolǵan. Ólimniń sebebi men keltirilgen shyǵyn kólemi anyqtalýda.
Oqıǵa ornynda jeke quramnan 22 qyzmetker jáne 7 tehnıka, TJD synaý órt zerthanasy, apattar medıtsınasy ortalyǵy, «102» qyzmeti jumys istedi.


Joǵary qaraı