Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Pedagog-kitaphanashylar bolady - Ǵanı Beısenbaev

2020 jyldyń 27 qazan 2020 13:04

NUR-SULTAN. QazAqparat – Mektep kitaphanashylarynyń áleýetin kóterýge erekshe mán beriledi. Bul týraly QR BǴM «Oqýlyq» Respýblıkalyq ǵylymı-praktıkalyq ortalyǵynyń dırektory Ǵanı Beısenbaev málim etti, dep habarlaıdy QazAqparat tilshisi.

«Atqarylyp jatqan jumystar kadrlyq áleýetti kóterýge negizdelgen. Bul baǵytta birinshi kezekte mektep kitaphanashysyn pedagog-kitaphanashy degen ataýmen ózgertý usynylyp otyr. Ol baǵytta Bilim mınıstrliginiń 123-shi buıryǵyna ózgerister engizý jumysy bastaldy. Sonymen qatar, mektep kitaphanashylarynyń biliktiligin kóterý baǵytynda jumystar iske asyrylýda. Bul oraıda Respýblıkalyq ǵylymı-pedagogıkalyq kitaphana tıisti sharalardy júzege asyrýda», - dedi Ǵ. Beısenbaev Bilim mınıstrliginiń apparat jınalysynda.

Onyń sózine qaraǵanda, mektep kitaphanashysynyń áleýetin kóterý turǵysynda jańa onlaın oqytý, bilim júıelerin engizý eskerilgen.

«Kitaphanalardyń áleýetin qarap shyqtyq, olardyń jaǵdaıy syn kótermeıtindigi kórinip tur. Osy oraıda tek kórkem ádebıetterdi ǵana qamtyp qoımaı, mekteptegi kitaphananalardyń materıaldyq-tehnıkalyq bazasyn kúsheıtý máselesin de jol kartasyna engizdik», - dedi ortalyq basshysy.

Aıta keteıik, apparat jınalysynda mektep kitaphanasyna qajetti kórkem ádebıetterdiń tizimi qurylyp jatqany baıandaldy.

Budan buryn habarlanǵandaı, jaqynda Ulttyq qoǵamdyq senim keńesiniń 4-otyrysynda Memleket basshysy Qasym-Jomart Toqaev dástúrli kitaphananyń aǵartýshylyq róli eshqashan mánin joǵaltpaıtynyn aıtqan edi.

«Taǵy bir mańyzdy mindet - mektep kitaphanalarynyń kitap qoryn jańalaý jáne tolyqtyrý. Qazir bul kitaphanalardyń qory eskirgen ári jutań. Ásirese, kórkem týyndylar men tartymdy ádebıetter tapshy. Qazaq tilindegi tıisti ádebıetter óte az nemese múldem joq», - dedi Memleket basshysy.


Joǵary qaraı