Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Pedagogıkalyq mamandyqty tańdaıtyn túlekter sany artyp keledi – Bilim mınıstri

2020 jyldyń 19 qyrkúıek 2020 13:32

NUR-SULTAN. QazAqparat – Elimizde mektep bitirgen túlekterdiń arasynda pedagogıka mamandyǵyn tańdaýshy túlekterdiń sany artqan. Bul týraly QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Ózderińiz biletindeı Memleket basshysynyń tapsyrmasyna sáıkes pedagogtardyń mártebesi týraly zań qabyldandy. Zańǵa qatysty syn pikirler de kóp boldy. Degenmen zań aıasyndaǵy jumystar bastalyp ketti. Atap aıtsaq, bıylǵy UBT (Ulttyq biryńǵaı testileý) nátıjesinde pedagogıka mamandyǵyn tańdaǵan túlekterdiń sany artyp otyr. Sol sııaqty pedagog mamandyqtary boıynsha UBT nátıjesiniń ortasha kórsetkishi ósti. Buǵan deıin pedagog mamandyqtaryna 50 balmen túsý múmkin bolsa, bıyl ol kórsetkish 70 baldy qurap otyr. Sondaı-aq, mektepti Altyn belgimen bitirip, ustazdyq mamandyqty tańdaǵan túlekterdiń de úlesi 2 esege ósti. Bul degenimiz pedagogıka mamandyǵyna degen qyzyǵýshylyq pen suranystyń baryn kórsetedi», - dedi Ashat Aımaǵambetov Prezıdenttik jastar kadrlyq rezervi múshelerimen kezdesý barysynda.

Buǵan deıin habarlaǵanymyzdaı búgin QR Bilim jáne ǵylym mınıstri A. Aımaǵambetov Prezıdenttik jastar kadrlyq rezerviniń múshelerimen kezdesti.


Joǵary qaraı