Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pedofılder men terrorızmge qatystylardyń elge kelýine tyıym salynbaq

2021 jyldyń 17 qarasha 2021 10:54

NUR-SULTAN. QazAqparat – Parlament Májilisi «Qazaqstan Respýblıkasynyń keıbir zańnamalyq aktilerine halyqtyń kóshi-qony salasyndaǵy zańnamany jetildirý máseleleri boıynsha ózgerister men tolyqtyrýlar engizý týraly» zań jobasyn talqylaıtyn bolady. Bul qujatta balalarǵa zorlyq-zombylyq kórsetkender men terrorızmge qatystylardyń elge kelýine tyıym salý eskerilgen, dep habarlaıdy QazAqparat tilshisi.

Zań jobasyn bir top depýtat halyqtyń kóshi-qon týraly zańynyń jáne qoldanystaǵy ózge de zańdardy jetildirý maqsatynda ázirledi.

«Zań jobasy kóshi-qon salasyndaǵy zańnamanyń saqtalýyna memlekettik baqylaýdy júzege asyrý tártibin aıqyndaý, kámeletke tolmaǵandardyń jynystyq tıispeýshiligine qarsy qylmystar úshin sottalǵandardyń bizdiń elge kelýin, Qazaqstan Respýblıkasynyń azamattyǵyn alýyn shekteý, ekstremıstik nemese terrorıstik áreketke qatysy bar sheteldikterge elimizge kelýine tyıym salý, tótenshe jaǵdaılarda qoldanylý merzimi ótken qujattardy paıdalaný máselelerin retteý jáne basqa túzetýlerdi kózdeıdi, - dedi Májilistiń Zańnama jáne sot-quqyqtyq reforma komıtetiniń hatshysy, depýtat Snejanna Imasheva.


Joǵary qaraı