Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Pentagondy alǵash ret afroamerıkalyq azamat basqarady

2021 jyldyń 23 qańtar 2021 02:06

VAShINGTON. QazAqparat – AQSh Senaty prezıdent Djo Baıden Qorǵanys mınıstri laýazymyna usynǵan Lloıd Ostınniń kandıdatýrasyn bekitti, dep habarlaıdy QazAqparat «Amerıka daýysy» jańalyqtar qyzmetine silteme jasap.

Osylaısha, otstavkadaǵy general L.Ostın Pentagonǵa basshylyq jasaıtyn AQSh tarıhyndaǵy alǵashqy afroamerıkalyq azamat bolyp otyr. Juma kúni tańerteń senatorlar ony Amerıka Qorǵanys mınıstri qyzmetine bekitti.

L.Ostın buǵan deıin Taýıa Shyǵysta jáne Ońtústik Azııada amerıka áskerine basshylyq etken. Ony jańa laýazymǵa taǵaıyndaý úshin Kongressten arnaıy ruqsat qajet bolǵan. Sebebi, erejege sáıkes, burynǵy áskerı qyzmetshiler qarýly kúshterden ketkennen keıin 7 jyl tolmaı turyp azamattyq laýazymdarǵa taǵaıyndala almaıdy. Ókilder palatasy men Senat bul erejeden aýytqý múmkindigin daýysqa salǵan. Nátıjesinde otstavkadaǵy general kóptegen demokrattardyń jáne respýblıkalyqtardyń qoldaýyna ıe bolǵan.

Onyń kandıdatýrasy úshin 100 senatordyń 90-y daýys berdi.

Buǵan deıin habarlaǵanymyzdaı, Ásel Roberts (Tólenova) esimdi qazaq qyzy AQSh prezıdenti protokoly basshysynyń mindetin atqarýshy bolyp taǵaıyndaldy.

Sondaı-aq eldiń vıtse-prezıdenti qyzmetine Kamala Harrıs taǵaıyndaldy. Ol Amerıka vıtse-prezıdenti laýazymyna kelgen alǵashqy áıel ári alǵashqy qara násildi azamat bolyp otyr.

AQSh-tyń 46-ynshy prezıdenti Djo Baıden qyzmetine resmı túrde 20 qańtar kúni kiristi.


Perevod Mıra Tólendiqyzy
Basty sózder: AQSh, Amerıka, Álem,
Joǵary qaraı