Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavl áýejaıy 10 jeltoqsannan bastap jumysyn toqtatýy múmkin

2021 jyldyń 1 jeltoqsan 2021 16:38

PETROPAVL. QazAqparat – Petropavl áýejaıynyń jaramdylyq sertıfıkaty 10 jeltoqsannan bastap toqtatylýy múmkin, dep habarlaıdy QazAqparat tilshisi.

«Qazaq Air» áýe kompanııasy baspasóz qyzmetiniń málimetinshe, Qazaqstannyń Avıatsııa ákimshiligi Petropavl áýejaıynyń jaramdylyq sertıfıkatyn 10 jeltoqsannan bastap toqtatýǵa sheshim shyǵardy.

«Qazaq Air» áýe kompanııasy IQ437 jáne IQ438 reısteriniń 10-31 jeltoqsan aralyǵynda ushpaıtynyn habarlady. Oǵan deıin kompanııa Petropavlǵa reıster jasaıdy, bul jaıynda barlyq jolaýshyǵa eskertilgen.

«Jolaýshylar, sondaı-aq bılet qunyn tolyq mólsherde qaıtara alady. Eger de bıletti áýe kompanııasynda satyp alǵan bolsa, onda info@flyqazaq.com elektrondy poshtasy arqyly habarlasý qajet. Ótinishpen birge brondaý nómirin jáne baılanys derekterin jiberý kerek. Al bılet agenttikte alynǵan jaǵdaıda, aqshasyn sol jerden qaıtaryp alýǵa bolady.

Keltirilgen ýaqytsha yńǵaısyzdyq úshin keshirim suraımyz. Jaramdylyq sertıfıkatynyń 10 jeltoqsannan keıin merzimi uzartylǵan jaǵdaıda bul týraly kompanııa saıtynda aqparat beremiz», - delingen habarlamada.

Soltústik Qazaqstan oblysynyń ákimdigi de Petropavl áýejaıyna qatysty resmı jaýap berdi.

«Petropavl qalalyq áýejaıynyń Qazaqstannyń Avıatsııa ákimshiligi 6 tamyz 2021 jyly bir jylǵa bergen jaramdylyq sertıfıkaty bar. Aerodromdy paıdalanýshy men Qazaqstannyń Avıatsııa ákimshiligi júrgizgen sertıfıkattaý qorytyndysy boıynsha anyqtalǵan sáıkessizdikterdi joıý boıynsha túzetý áreketiniń jospary quryldy. Qazirgi ýaqytta Qazaq Air jáne SKAT áýekompanııalarynyń reısteri Petropavlǵa jáne Petropavldan shtattyq rejımde ushyp jatyr», - delingen jaýapta.



Joǵary qaraı