Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavl kóshesinde túnde eki jasóspirim mas júrgen

2021 jyldyń 20 maýsym 2021 02:00

PETROPAVL. QazAqparat – Petropavlda polıtseıler túnde kóshede mas júrgen eki jasóspirimdi anyqtady, - dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavlda «Túngi qaladaǵy balalar» atty jedel-profılaktıkalyq is-shara ótip jatyr. 17 maýsym bastalǵan operatsııa 20 maýsym aıaqtalady. Polıtseıler men volonterler reıdke shyǵyp, jasóspirimder tarapynan jáne olarǵa qatysty jasalatyn qylmystardyń aldyn alýdy maqsat etken.

Tártip saqshylarynyń aıtýynsha, túngi saǵat 23.00-den keıin kámeletke tolmaǵandar zańdy ókilderinsiz kóshede júre almaıdy. Reıd barysynda polıtseıler kóńil kóterý oryndaryna basymdyq beredi. Nátıjesinde balalaryn túnde baqylaýsyz jibergen 8 ata-ana ákimshilik jaýapkershilikke tartyldy.

Sondaı-aq jasóspirimderge spırttik jáne temeki ónimderin satýǵa tyıym salynǵan. Soǵan qaramastan túnde qala kóshesinde mas júrgen eki jasóspirim anyqtaldy. Olardyń áke-sheshesi de jaýapkershilikke tartyldy.

«Ásirese kanıkýl kezinde jasóspirimder ózderin «eresek» etip kórsetkileri keledi. Jalpy reıdtik is-sharalardy ótkizýge bizge volonterler kómektesedi. Dámhanalar, kompıýter klýbtary, parkter men saıabaqtar tekseriledi. Al kúndiz saýda oryndaryn, bazarlardy, avtokólik jýý oryndaryn tekseremiz. Maqsatymyz balalarǵa qatysty eńbek zańnamasynyń buzylýyna jol bermeý», - deıdi Petropavl polıtsııa basqarmasy ıývenaldy polıtsııa bóliminiń bastyǵy Elmıra Abýsheva.

Joǵary qaraı