Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavl mańynda qamys órtenip, munaı qoımalaryna qaýip tóndi

2022 jyldyń 13 mamyr 2022 16:25

PETROPAVL. QazAqparat – Petropavldyń mańynda kezekti ret qamys órtenip, bul joly 300 metr jerde turǵan munaı qoımalaryna qaýip tóndi. Órt sóndirýshiler jiti qımyldap, úlken apattyń aldyn aldy, dep habarlaıdy QazAqparat tilshisi.

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, Petropavldyń syrtyndaǵy ónerkásiptik aımaqta, Áýezov kóshesi, 266 mekenjaıynda órt shyqqandyǵy týraly habarlama «101» qyzmetine saǵat 9.12 mınýt ketkende túsken.

Oqıǵa ornyna Petropavldyń órt sóndirý qyzmetteri jumyldyryldy. Órttiń batpaqty aýmaqta shyǵýy, jel jáne jaqyn mańda óndiristik nysandardyń, sonyń ishinde 300 metr jerde munaı qoımalarynyń bolýy mamandardyń jumysyn qıyndata tústi. Qyzyl jalynmen kúreste órt sóndirýshilermen birge Ońtústik-Oral temirjolynyń Petropavl bólimshesiniń áskerılendirilgen órt sóndirý komandasy, jergilikti atqarýshy organdardyń, «Qyzyljar Sý» JShS kúsh-qurylymdary, memlekettik emes órt sóndirý qyzmetiniń mamandary – barlyǵy 73 adam jáne 21 tehnıka jumys istedi.










Jalyn shamamen 10 ga aýmaqty sharpydy. Órt saǵat 11.19-da tolyq sóndirildi. Zardap shekkender joq. Qazirgi ýaqytta órttiń neden shyqqany jáne kelgen shyǵyn mólsheri eseptelip jatyr.

Petropavlda bıyl qamystyń órtený jaǵdaılary jıilep ketti. Sońǵy iri órt Petropavldaǵy Kopaı yqsham aýdanynda boldy, qamystan taraǵan jalynnan eki jeke turǵyn úı janyp ketti.

Al ótken demalys kúnderi SQO-da 20 shaqty órt tirkeldi.











Joǵary qaraı