Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavl polıtseıleri KVI-dan qaıtys bolǵandar týraly málimetti rıtýaldyq agenttikterge satqan

2021 jyldyń 26 naýryz 2021 17:54

PETROPAVL. QazAqparat – Petropavlda polıtsııa qyzmetkerleri rıtýaldyq agenttikterge koronavırýstan qaıtys bolǵandar týraly málimetti satty degen kúdikke ilindi, dep habarlaıdy QazAqparat tilshisi.

SQO sybaılas jemqorlyqqa qarsy qyzmettiń málimetinshe, Petropavl qalasy polıtsııa basqarmasynyń jedel basqarý ortalyǵynyń birneshe qyzmetkeri kúdikke ilindi.

Olar oblys ortalyǵyndaǵy rıtýaldyq agenttikterge qala aýmaǵynda qaıtys bolǵan adamdar týraly málimetterdi satyp kelgen.

Polıtseıler qaıtys bolǵan adamnyń saýalnamalyq derekterin berip, bul qyzmetti 4 myń teńgege baǵalapty.

Qazir sotqa deıingi tergeý júrip jatyr. Mamandardyń aıtýynsha, bul istiń qalǵan mán-jaıy tergeý múddesine saı jarııa etýge jatpaıdy.

Іs boıynsha túpkilikti sheshim tergeý júrgizý nátıjesi boıynsha qabyldanbaq.


Joǵary qaraı