Aýa raıy
Astana 9 °S
Almaty 18 °S
valıýta baǵamy
USD 421.58
EUR 496.83
RUB 5.53
CNY 62.20

Petropavl polıtseıleri urylardy ustaýǵa kómektesken turǵyndardy marapattady

2020 jyldyń 9 tamyz 2020 21:33

PETROPAVL. QazAqparat - Petropavl polıtseıleri urylardy ustaýǵa kómek kórsetken eki turǵyndy marapattady, – dep habarlaıdy Polisia.kz.

Maraptqa usynylǵan azamattardyń biri - taksı júrgizýshisi Sergeı Kýzenev, ekinshisi – satýshy Larısa Býrleva. Qalalyq polıtsııa basqarmasynyń bastyǵy Jandos Muqatov olarǵa saltanatty jaǵdaıda alǵys hattar men baǵaly syılyqtar tabys etti.

Saıttyń jazýynsha, tórt aı buryn bul azamattar zeınetkerdi tonap ketken urylardy ustaýǵa kómek kórsetken. Qylmys 8 sáýir kúni bolǵan. Buryn sottalǵan 1982 jyly týǵan petropavldyq pen onyń 1993 jyly týǵan tanysy basqosýdan soń bankomattan zeınetaqysyn alyp jatqan 74 jastaǵy zeınetker ájeıdi ańdyp, qolynan 150 myń teńge aqshasy bar sómkesin julyp alyp, qashyp ketken. Sol mańdaǵy dúkenniń qyzmetshisi men ótip bara jatqan taksı júrgizýshisi bul oqıǵany kórip, kúdikti áıeldi ustap alyp, polıtsııaǵa tabystady. Al kúdikti er adam boı tasalady. Alaıda kóp uzamaı polıtseıler ony jedel basqarý ortalyǵyndaǵy beınebaqylaý kameralarynyń kómegimen qolǵa túsirdi.

14 shilde kúni sot olarǵa qatysty úkim shyǵardy. Er adam úsh jylǵa bas bostandyǵynan aıyryldy. Al onyń tanysynyń úsh jylǵa bas bostandyǵy shekteldi. Keltirilgen shyǵyn tolyǵymen óteldi.

«Quqyq qorǵaý organdaryna kómek kórsetetin azamattardy marapattaý polıtsııada ıgi dástúrge aınalǵan», – deıdi Jandos Muqatov.

«Bul aınalasynda bolyp jatqan jáıtterge beıjaı qaramaıtyn turǵyndar men polıtsııanyń arasyndaǵy is-qımyldyń tıimdiligin kórsetedi. Osy qylmysty ashýda erekshe kómek kórsetken barsha azamattarǵa alǵys aıtamyn»,-dedi ol.


Basty sózder: Zań, Soltústik Qazaqstan oblysy,
Joǵary qaraı