Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavl turǵyndary shekaradan kedergisiz ótkizý úshin PTR testin qoldan jasap, satyp kelgen

2021 jyldyń 16 qyrkúıek 2021 14:18

PETROPAVL. QazAqparat – Petropavlda karantın ýaqytynda shekaradan kedergisiz ótýge múmkindik beretin jalǵan qujattardy istep, satýmen aınalysqandar ustaldy, dep habarlaıdy QazAqparat tilshisi.

Bul jaıynda QR Ulttyq qaýipsizdik komıteti shekara qyzmetiniń áleýmettik jelidegi resmı paraqshasynda jarııalandy.

QR UQK SQO boıynsha departamenti shekara qyzmetimen birlese Petropavl qalasynyń turǵyndary uıymdastyrǵan «jasyryn» tsehty áshkereledi.

Turǵyn úıde ornalasqan páterde karantın ýaqytynda shekaradan kedergisiz ótýge múmkindik beretin jalǵan medıtsınalyq qujattar daıyndalyp kelgen.

Júrgizilgen tintý barysynda qazaqstandyq jáne reseılik medıtsınalyq uıymdardyń móri, oblystyń klınıkalyq-dıagnostıkalyq zerthanasy men emhanasynyń PTR test qorytyndysy alyndy.

«026/ý úlgisine sáıkes dıagnoz ben emdelýdiń tyǵyzdyǵyn rastaý úshin aýmaqtyq ambýlatorııalyq-emhanalyq uıymnyń dárigerlik-konsýltatsııalyq komıssııasynyń qorytyndylary, shetel medıtsınalyq uıymdarynan emdelýge shaqyrý hattar, PTR test qoldan jasalǵan. Muny belgili bir aqyǵa Qazaqstan Respýblıkasynyń azamattaryna koronovırýs pandemııasyna baılanysty karantın qoldanylǵan kezeńde Reseı Federatsııasymen memlekettik shekaradan kedergisiz kesip ótý úshin satyp kelgen», - delingen habarlamada.

Bul derekke qatysty QR QK 394-babynyń 2-bóligi boıynsha sotqa deıingi tergeý júrgizilip jatyr.


Joǵary qaraı