Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavl turǵyny alaıaqqa 10 mln teńgeni nesıege alyp bergen

2021 jyldyń 18 qarasha 2021 21:14

PETROPAVL. QazAqparat – Petropavl turǵyny alaıaqqa aldanyp, oǵan birneshe bankten 10 mln teńge nesıe alyp bergen, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, Petropavl turǵyny polıtsııaǵa aryzdanyp, óziniń alaıaqqa jem bolǵanyn aıtqan. Oǵan belgisiz bireý banktiń qaýipsizdik qyzmetinen ekenin aıtyp, atyna basqa adamnyń úlken nesıe resimdegenin habarlaǵan. Telefon shalýshy zańsyz árekettiń aldyn alý úshin «nesıelik lımıt tańdaýdy» usynǵan. Sondaı-aq birneshe bankten 10 mln teńge nesıe resimdetip, ony «saqtyq shotqa» salǵyzǵan. Ol jerden aqsha birden joq bolǵan.

«Zardap shegýshi mundaı alaıaqtar jaıynda buryn estigen eken, biraq ózin dál osylaı aldaıdy dep oılamapty. Habarlasqan adam zardap shegýshige onyń árbir is áreketin belgisiz bireýlerdiń baqylap otyrǵanyn, telefonynyń tyńdalatynyn jáne kez kelgen ýaqytta jańa nesıe resimdeıtinin aıtyp, sendirgen. WhatsApp messendjeri arqyly habarlasyp, onyń qazirgi ýaqytta eń qaýipsiz baılanys quraly ekenin aıtqan. Psıhologııalyq tásilder ártúrli bolǵanymen, olardyń maqsaty bir – qylmyskerler óz qurbandaryn asyqtyryp, oılanýǵa mursat bermeı, tez sheshim qabyldatqyzady», - deıdi Petropavl qalalyq polıtsııa basqarmasynyń ekinshi polıtsııa bóliminiń bastyǵy Rýslan Syzdyqov.




Polıtseıler banktiń qaýipsizdik qyzmeti eshqashan klıentterge telefon soqpaıtynyn jáne qandaı da bir qarjylyq operatsııa jasaýdy talap etpeıtinin eskertedi. Eger sizge banktiń qaýipsizdik qyzmetinenmin dep habarlasatyn bolsa, birden telefon tutqasyn qoıyńyz. Shottaryńyzdyń jaǵdaıy týraly bankke baryp bilýge bolady.






Joǵary qaraı