Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda 3 jasar qyzyn ólimshi etip sabaǵan 22 jastaǵy kelinshek qamaýǵa alyndy

2021 jyldyń 22 qańtar 2021 21:31

PETROPAVL. QazAqparat – Petropavlda 3 jasar qyzyn esinen tanǵansha uryp, mıyna zaqym keltirgen 22 jastaǵy kelinshek ýaqytsha ustaý ızolıatoryna qamaldy, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavlda kishkentaı qyzynyń densaýlyǵyna aýyr zııan keltirdi degen kúdikpen qala turǵynyna qatysty sotqa deıingi tergep-tekserý bastaldy.

17 qańtar kúni polıtsııaǵa oblystyq balalar aýrýhanasyna es-tússiz kúıdegi 3 jasar qyzdyń jetkizilgeni jaıly habar túsedi.

Mıyna zaqym kelgen bala birden jansaqtaý bólimine jatqyzyldy. Sábıdi uryp-soqty degen kúdikpen onyń anasy qamaýǵa alyndy.

«Kórineý kámeletke tolmaǵan adamǵa qatysty densaýlyqqa qasaqana aýyr zııan keltirý» baby boıynsha sotqa deıingi tergep-tekserý júrgizilýde.

Qylmystyq is aıasynda qajetti birqatar saraptama taǵaıyndaldy. Kúdikti - 22 jastaǵy kelinshek buryn sottalmaǵan. Ol ýaqytsha ustaý ızolıatoryna qamaldy.

«Sotqa deıingi tergeý barysynda kúdiktiler anyqtalyp, olardyń árqaısysynyń is-áreketi baǵalanady. Qylmystyq isti SQO polıtsııa departamenti men prokýratýra basshylyǵy baqylaýda ustap otyr», - deıdi baspasóz qyzmetindegiler.

SQO bilim basqarmasy baspasóz qyzmetiniń málimetinshe, kelinshek qyzyn dúnıege ákelisimen qıyn materıaldyq jaǵdaıyna baılanysty ýaqytsha sábıler úıine ornalastyrǵan.

«Áıel qyzyna jıi kelip turdy. Bes aı ótkesin alyp ketti. Týý týraly kýálik negizinde jáne ata-anasynyń ruqsatymen sábı ákesiniń otbasynda turdy. Al jeltoqsan aıynda ákesi qyzyn anasyna qaıtaryp bergen. Balanyń anasyna qatysty sot úkimi shyǵysymen qamqorshylyq jáne qorǵanshylyq organdary áıeldi ata-ana quqyǵynan aıyrý máselesin kóteredi» delingen baspasóz habarlamasynda.


Joǵary qaraı