Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda adam qaza tapqan jol apatynda júrgizýshi mas bolǵan

2021 jyldyń 20 qyrkúıek 2021 12:55

PETROPAVL. QazAqparat – Petropavlda bir adam mert bolǵan jol-kólik oqıǵasynda baǵanǵa soǵylǵan kólik júrgizýshisi mas bolǵan, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, «Toyota Avensis» kóliginiń júrgizýshisi 19 qyrkúıek kúni saǵat 3.40 mınýt ketkende rýlge ıe bola almaı qalyp, baǵdarsham baǵanyna soǵylǵan bolatyn.

Saldarynan eki jolaýshy jaraqat alyp, bireýi aýrýhanada kóz jumdy. Medıtsınalyq kýálandyrý «Toyota Avensis» kóliginiń júrgizýshisiniń mas bolǵanyn kórsetti.

«Bul derek sotqa deıingi tergep-tekserýlerdiń biryńǵaı tizilimine QR Qylmystyq kodeksiniń 346 baby 5 bóligi boıynsha engizildi. Kúdikti ýaqytsha ustaý ızolıatoryna qamaýǵa alyndy», - deıdi SQO PD Іshki jáne syrtqy kommýnıkatsııalar bólimi basshysynyń mindetin atqarýshy Sán Jumaǵazına.


Joǵary qaraı