Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda aptap ystyqqa baılanysty eskertý jarııalandy

2021 jyldyń 15 maýsym 2021 18:05

PETROPAVL. QazAqparat – Petropavlda aldaǵy eki kúnde aýa temperatýrasy 38 gradýsqa deıin ysymaq. Osyǵan baılanysty 112 qyzmeti eskertý jarııalady, dep habarlaıdy QazAqparat tilshisi.

«Qazgıdromet» RMK Soltústik Qazaqstan oblystyq fılıalynyń málimetinshe, 16-17 maýsym kúnderi óńirde kún kúrkirep, qatty jel turady. Keı jerlerde jeldiń ekpini sekýndyna 15-20 metrge deıin jetpek. Sondaı-aq aýa temperatýrasy 35-38 gradýsqa deıin kóteriledi dep boljanǵan.

Osyǵan baılanysty qutqarýshylar turǵyndardy eskertip, bul kúnderi ormanǵa barmaýǵa, qatty jelde kepken shóp pen qoqysqa ot qoımaýǵa, órt qaýpi joǵary jerlerde ot jaqpaýǵa keńes berdi.

Al abaısyzda órt shyqqan jaǵdaıda birden ony sóndirýge tyrysyp, orman sharýashylyǵy qyzmetkerlerin, órt sóndirýshiler men jergilikti atqarýshy bılikti habardar etý qajet.

Mamandar, sondaı-aq ózen-kólderde arnaıy jaraqtalǵan oryndarda ǵana sýǵa shomylýǵa bolatyndyǵyn eskertedi. Qarańǵyda jáne jalǵyz sýǵa túsýge bolmaıdy. Sýdyń janynda balany jalǵyz qaldyrý qaýipti.


Joǵary qaraı