Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda bir kúnde joǵalǵan er men áıel adamǵa izdeý jarııalandy

2021 jyldyń 26 tamyz 2021 15:28

PETROPAVL. QazAqparat – Petropavlda bir kúnde joǵalǵan 39 jastaǵy áıel men 35 jastaǵy er adamǵa izdeý jarııalandy. Olardan toǵyz kúnnen beri habar joq, dep habarlaıdy QazAqparat tilshisi.

SQO-nyń volonterleri áleýmettik jelide Petropavldyń eki turǵynyna izdeý jarııalady.

1981 jyly týǵan Irına Shvetsova 17 tamyz kúni Lenıngrad kóshesindegi úıinen shyǵyp, belgisiz jaqqa ketken. Baǵytynan adasyp ketýi de múmkin.

Áıeldiń boıy 170 sm shamasynda, qoı kózdi, sary shashty, soqyr ishekke jasaǵan otanyń orny bar.

Sol kúni ústinde jasyl tústi fýtbolka, sur tústi djınsy shalbar, djınsy jeletke, qolynda úlken aq tústi sómke bolǵan.




1986 jyly týǵan Sergeı ıAsımchık te 17 tamyzdan beri habar-osharsyz. Ol Petropavldyń Hrom zaýyty aýdanynda turady.

Boıy 180 sm, deneli, qoı kózdi, qysqa shashty, murnynyń ústinde tyrtyǵy bar.

Joǵalǵan kúni ústinde sur tústi shalbar, jolbarystyń sýreti bar kók kúrte jáne sol tústes krossovkı, qolynda qara-qyzǵylt ıyqqap bolǵan.




Іzdeý jarııalanǵandar týraly qandaı da bir málimetti 8 777 608 88 49, 8 777 307 99 65 nemese 102 nómirine habarlaýǵa bolady.


Joǵary qaraı