Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda bıyl tárbıesi qıyn 69 jasóspirim tirkeýge alyndy

2020 jyldyń 22 qarasha 2020 05:00

PETROPAVL. QazAqparat – Petropavlda polıtseılerdiń bastamasymen «Qatygezdik pen zorlyq-zombylyqsyz balalyq shaq» atty eki aptalyq aqparattyq naýqan ótti, dep habarlaıdy QazAqparat tilshisi.

Soltústik Qazaqstan oblystyq Polıtsııa departamenti baspasóz qyzmetiniń málimetinshe, «Qatygezdik pen zorlyq-zombylyqsyz balalyq shaq» atty aktsııanyń maqsaty otbasyndaǵy qolaısyz atmosfera, mekteptegi býllıng sııaqty problemalarǵa qoǵamnyń nazaryn aýdartý. Petropavl qalasy Polıtsııa basqarmasynyń ıývenaldyq polıtsııa qyzmetkerleri Zoom, onlaın beınekonferentsııalar alańy arqyly 38 dáris pen áńgimeler uıymdastyrdy. Polıtseıler mektep oqýshylaryna óz quqyqtary men mindetteri týraly, zorlyq-zombylyq pen qatygezdiktiń kez-kelgen túrine tózbeýshilik týraly túsinikti tilde jetkizdi. Sondaı-aq eger bala turmystyq zorlyq-zombylyqqa ushyrasa nemese kýási bolsa mindetti túrde habarlaýǵa shaqyrdy.

Áleýmettik pedagogtar, psıhologtar, kámeletke tolmaǵandardyń isteri jónindegi komıssııanyń jáne turǵylyqty jeri boıynsha qorǵanshylyq jáne qamqorshylyq organdardyń ókilderi polıtsııanyń esebinde turǵan 52 zańdy ókildi, sondaı-aq táýekel tobyndaǵy 18 jasóspirimdi tekserdi.





Petropavl qalasy PB bastyǵynyń birinshi orynbasary Álibek Ǵabdýllınniń aıtýynsha, jyl basynan beri ıývenaldyq polıtseıler 100-den astam reıd júrgizip, nátıjesinde 722 quqyq buzýshy ákimshilik jaýapqa tartyldy. Kósheler men oıyn-saýyq mekemelerin tekserý barysynda 431 jasóspirim polıtsııaǵa jetkizildi. Tártibi qıyn 69 jasóspirim anyqtalyp, tirkeýge alyndy.

Jalpy, qalalyq Polıtsııa basqarmasynyń ıývenaldyq polıtsııasynda búginde 104 qolaısyz otbasy tirkeýde tur.


Joǵary qaraı