Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Petropavlda erli-zaıyptylar polıtseılerdi 7-qabattan sekiremiz dep qorqytqan

2019 jyldyń 18 qyrkúıek 2019 20:55

NUR-SULTAN. QazAqparat – Petropavlda eki adamnyń kıkiljińi qalanyń búkil kúsh qurylymdarynyń qyzmetkerlerin aıaǵynan tik turǵyzdy, dep habarlaıdy QazAqparat tilshisi.

«Petropavl qalasynyń turǵyndarynyń biri óziniń pıtbýl tuqymdas ıtimen birge tumsyqtorsyz qydyryp júrgen. Onyń janynan ótip bara jatqan basqa bir azamat álgi ıt ıesine eskertý jasap, aqyry eki adamnyń arasynda tóbeles týady. Osydan keıin 102 nómirine álgi azamat ıt qapqany týraly shaǵym aıtyp, qońyraý shalǵan. Onymen qoımaı, álgi ıttiń ıesi ustasyp qalǵan jigittiń arqasyna pyshaq salǵan. Jaralanǵan turǵyn qalanyń úshinshi aýrýhanasyna jetkizildi», - dep habarlaıdy SQO polıtsııa departamentinen.





Aqyry adamdy pyshaqtap, ıtimen kóshede tumyldyryqsyz qydyrǵan jigittiń úıine saý etip, bir top polıtsııa jetip barady. Alaıda 39 jastaǵy jigit esikti ashýdan bas tartyp, gazben úıdi jaryp jiberetinin aıtyp, tártip saqshylaryn sastyrǵan kórinedi.





«Oqıǵa ornyna oblystyq jáne qalalyq polıtsııanyń, prokýratýranyń, tótenshe jaǵdaılar departamentiniń qyzmetkerleri jetti. Búkil podezde gaz ben elektrdi óshirý týraly sheshim qabyldandy. Úı ıesimen birge áıeli de úıde bolǵan. Sońynda tipti ekeýi polıtsııa qyzmetkerlerin 7-qabattan sekiremiz dep qorqytqan. Er adam polıtsııa qyzmetkerleriniń kózinshe pyshaqpen óz qolyn birneshe jerden jaraqattady. Polıtsııa órt sóndirýge arnalǵan baspaldaqty qoldanýǵa árekettengende úı ıesi qatty qarsylyq tanytty», - delingen habarlamada.










Ashýǵa býlyqqan jigit polıtsııa qyzmetkerlerine birde pyshaqpen, birde temir zatpen tap berip, quqyq qorǵaýshylardyń ábden qutyn qashyrǵan. Aqyr sońynda arnaıy jedel áreket etý jasaǵynyń úsh qyzmetkeri úıge tereze arqyly basyp kirip, jigitti tapjyltpady.

Qazirgi ýaqytta atalmysh oqıǵa boıynsha Qylmystyq kodekstiń 293-baby (buzaqylyq) boıynsha sotqa deıingi tergeý amaldary júrgizilip jatyr.



Joǵary qaraı