Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda karantın sharalaryn buzýdyń 400-ge jýyq jaǵdaıy tirkeldi

2021 jyldyń 4 jeltoqsan 2021 10:31

PETROPAVL. QazAqparat – Petropavlda polıtseıler úsh kúnde shekteý sharalaryn buzǵan oıyn-saýyq mekemeleriniń 4 ákimshisin jaýapqa tartty, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, monıtorıng toptar kóńil kóterý oryndaryn tekserip jatyr. Basty maqsat – profılaktıka men túsindirý jumystaryn júrgizý. Olar kóńil kóterý mekemelerin aralaý barysynda qyzmetkerlerde maska men qolǵaptardyń bolýyn qadaǵalap, nazarda ustaıdy, sonymen qatar mekemelerdiń jumys rejımin tekseredi. Sońǵy úsh kún ishinde Petropavlda saǵat 22.00-den keıin jumys istegen úsh oıyn-saýyq orny anyqtaldy. Bul nysandar osylaısha oblystyń memlekettik bas sanıtarııalyq dárigeriniń qaýlysyn oryndamaǵan.

Petropavlda 1 jeltoqsan kúni bir mekemeniń mas kúıdegi qonaǵy polıtsııa qyzmetkerlerin shaqyrtqan. Barǵan tártip saqshylary oıyn-saýyq ornynda kóńil kóterip júrgen 10-ǵa tarta adamdy anyqtady. Bar túngi ýaqytta jumysyn toqtatpaǵan. Bul faktige qatysty «Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» boıynsha materıal jınaqtaldy.

«Úsh kúnde polıtseıler oıyn-saýyq mekemeleriniń 4 ákimshisin jaýapqa tartty. Polıtsııa qyzmetkerleri kóńil kóterý oryndarynyń ıeleri jáne qonaqtarymen profılaktıkalyq áńgimeler júrgizip, jıi tekseredi. Jyl basynan beri Petropavlda QR ÁQBtK 425-baby boıynsha monıtorıng toptary shekteý sharalaryn buzýdyń 391 deregin anyqtady», – deıdi Petropavl qalasy polıtsııa basqarmasy jergilikti polıtsııa qyzmeti bólimi bastyǵynyń orynbasary Aıdyn Aqmaǵambetov.


Joǵary qaraı