Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda kóp qabatty úıde gaz ballony jarylyp, 2 adam mert boldy

2021 jyldyń 21 aqpan 2021 18:04

PETROPAVL. QazAqparat – Petropavlda bes qabatty úıde gaz ballony jarylyp, eki adam oqıǵa ornynda kóz jumdy, dep habarlaıdy QazAqparat tilshisi.

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, búgin saǵat 15.59 mınýtta «101» nómirine Petropavldaǵy Internatsıonal kóshesi 21 úıdiń birinshi qabatynda gaz ballony jarylǵandyǵy jóninde jáne onyń artynan órttiń bastalǵany týraly habar túsedi.

«Oqıǵa ornyna kelgende birinshi qabattan shyǵyp jatqan qatty tútindi kórdik. Bul jerde birneshe kásipkerlik sýbektisi: birneshe dámhana men shashtaraz ornalasqan. Gaz ballony dámhanalardyń birinde jarylǵan. Kele sala úsh adamdy qaýipsiz jerge shyǵardyq, biraq olardyń ekeýi kóz jumdy», - SQO TJD bastyǵy Ramıl Kamalov.

Buryn jataqhana bolǵan, keıin jekeshelendirilgen kóp qabatty úıden 120-ǵa jýyq adam evakýatsııalandy. Qazir oqıǵa ornynda oblys ortalyǵynyń barlyq órt sóndirý bólimderi jumyldyrylǵan.

«Oqıǵa bolǵan jer polıtseılermen tolyq qorshaýǵa alyndy. Aýa raıyna baılanysty avtobýstardy aldyryp, adamdardy jaqyn mańdaǵy № 2 orta mektepke ornalastyrdyq. Qazirgi ýaqytta úıindiniń astynda qalǵandar izdestirilip jatyr. Qatty tútin mamandardyń jumysyn qıyndatqan», - deıdi Ramıl Kamalov.

Apat saldarynan 2 adam qaza tapty. Saǵat 18.42-de úıindi astynan áıel adamnyń denesi shyǵaryldy.
















































Joǵary qaraı