Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda kópsalaly aýrýhana salynyp jatyr

2021 jyldyń 7 shilde 2021 23:20

PETROPAVL. QazAqparat – Petropavlda byltyr maýsym aıynda qurylysy bastalǵan kópsalaly aýrýhana kelesi jyldyń sońyna qaraı paıdalanýǵa berilmek, dep habarlaıdy QazAqparat tilshisi.

Soltústik Qazaqstan oblysyna QR Parlamenti Májilisiniń depýtattary – «Nur Otan» fraktsııasynyń músheleri Erlik Taıjanov pen Dmıtrıı Koloda keldi.

Olar «Nur Otan» partııasynyń oblystyq saılaýaldy baǵdarlamasynyń oryndalý barysymen tanyspaq.

«Nur Otan» partııasy SQO fılıaly baspasóz qyzmetiniń málimetinshe, depýtattar qurylysy byltyr maýsym aıynda bastalǵan kópsalaly aýrýhanaǵa bardy.

Medıtsınalyq mekeme shamamen 9,5 gektar jerge ornalasady jáne perınataldyq, kardıologııalyq, onkologııalyq bólimshelerden turady.

Táýlik boıǵy statsıonarynda 500-ge deıin tósek-oryn bolady.

Kún saıyn mekemeniń klınıkalyq-dıagnostıkalyq korpýsy 1000-ǵa jýyq adamdy qabyldaıdy.




Korpýstar alty qabatta ornalasady, qosymsha munda parkıngi bar jertóle jumys istemek.

Oblystyq kópsalaly aýrýhana bas dárigeriniń birinshi orynbasary Ashat Moljigitovtyń aıtýynsha, mekeme jańa jabdyqtarmen jabdyqtalady.

Jumysqa tek Soltústik Qazaqstan oblysynan ǵana emes, elimizdiń basqa óńirlerinen de mamandar tartylady. Ol úshin arnaıy kóterme tólemder bar.

Munda jumys isteıtin medıtsına qyzmetkerleri mindetti kásibı kýrstardan ótedi.




«Bul nysan aıaqtalyp, paıdalanýǵa berilgen kezde turǵyndar em izdep basqa óńirlerge sabylmaıdy. Óıtkeni munda zamanaýı jabdyqtar, bilikti mamandar bolady. Aýrýhana «Nur Otan» partııasynyń saılaýaldy baǵdarlamasyn iske asyrý jónindegi jol kartasyna endi jáne biz, depýtattar, atqarylyp jatqan jumystarmen tanysý úshin keldik. Jol kartasynda mundaı mańyzdy nysandar kóp. Biz tek qalany ǵana emes, shalǵaı eldi mekenderdi de aralaımyz. Ár aýyl turǵynyn jol, sý, bilim berý, densaýlyq saqtaý máseleleri tolǵandyrady, biz jergilikti jerlerde jol kartasynyń qalaı oryndalatynyn, halyqtyń qandaı problemalary bar ekenin bilip, keri baılanys ornatýymyz kerek», - deıdi Májilis depýtaty Erlik Taıjanov.

Qazir kópsalaly aýrýhananyń qurylys alańynda jer qazý, qadalar qaǵý, beton quıý, eden salý, irgetasty gıdrooqshaýlaý sııaqty jumystar júrgizilip jatyr. Nysanda 149 adam eńbek etedi jáne 27 qurylys tehnıkasy júr.




Buǵan deıin Májilis depýtattary 200 oryndyq juqpaly aýrýlar aýrýhanasynda bolǵan. Bul nysan da «Nur Otan» saılaýaldy baǵdarlamasy aıasynda júzege asyryldy.

Mekeme óz jumysyn ótken jyldyń sońynda bastady, munda 56 - eki oryndy, 16 - úsh oryndy jáne 6 - bir oryndy palatalar bar.

Jeke shyǵatyn eki oryndyq bokstar, qarqyndy terapııa bólimshesinde 20 tósek-oryn jáne qabyldaý-dıagnostıka bólimshesinde 5 boks jumys isteıdi.

Aýrýhanada zamanaýı KT, rentgen jáne ÝDZ apparattary, klınıkalyq jáne vırýsologııalyq zerthana bar, covid-19 aýrýyna zertteýler, PTR-testileý júrgiziledi.

«Osy tıptegi aýrýhanalarda bilikti medıtsınalyq kadrlardyń bolýy óte mańyzdy. Men bul týraly birneshe ret aıttym. Basqa qalalarda medıtsınalyq bilim alatyn jastardy óńirlerge, atap aıtqanda SQO-ǵa tartý qajet. Ol úshin yntalandyrý kerek. Sondaı-aq, qazir biz juqpaly aýrý - koronavırýstyq ınfektsııamen kúresti kúsheıtýimiz qajet. Búgingi tańda SQO turǵyndarynyń 44 %-y vaktsınanyń birinshi komponentin aldy, bul 140 myńnan astam adam. Ekinshi komponentti 75 myńnan astam adam aldy», - dedi májilismen Dmıtrıı Koloda.

Depýtattar sondaı-aq partııanyń aımaqtyq fılıaly janyndaǵy sybaılas jemqorlyqqa qarsy is-qımyl jónindegi qoǵamdyq keńes múshelerimen kezdesti.




Kezdesýde olar saılaýaldy baǵdarlamalardy júzege asyrý boıynsha Jol kartalarynyń oryndalýyn baqylaý máselelerin talqylady.

Májilismenderdiń aıtýynsha, joldardy jóndeý, aýyl turǵyndaryn aýyz sýmen qamtý, densaýlyq saqtaý, bilim nysandaryn salý jáne basqa da kóptegen máseleni nazarda ustaý qajet.


Joǵary qaraı