Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda kóshede karabın ustap júrgen mas jigit ustaldy

2021 jyldyń 3 tamyz 2021 02:58

PETROPAVL. QazAqparat – Polıtsııanyń beınebaqylaý kameralary kómegimen kóshede karabın ustap júrgen mas petropavldyq anyqtaldy, – dep habarlaıdy Polisia.kz.

Qoǵamdyq oryndarǵa monıtorıng júrgizý barysynda Petropavl qalalyq PB Jedel basqarý ortalyǵynyń ınspektory Saıda Tajetdınova Naberejnaıa kóshesiniń boıynda atys qarýyna uqsas zatpen júrgen er adamdy baıqaǵan.

Aqparat jedel barlyq narıadtarǵa joldanyp, oqıǵa ornyna avtopatrýl men ýchaskelik polıtsııa ınspektorlary jiberildi. Er adam ustaldy. Shynynda ózimen birge karabıni bolǵan, sondaı-aq ol masań kúıde bolǵan. Ol qarýdy bir aı buryn saıajaı qoǵamdastyǵynyń birinde saıajaıdaǵy úıdi demontajdaý kezinde taýyp alǵany belgili boldy. Qarý edenniń astynda mataǵa oralǵan kúıde bolǵan. Er adam qarýdy úıine alyp baryp, tottan tazartqan.

Sondaı-aq ol sol kúni karabındi ózi ákelip, polıtsııa tapsyrmaq bolǵanyn túsindirdi. Alaıda jaqyn mańdaǵy polıtsııa bólimine jete almady, qalanyń adal azamattary men beınebaqylaý kameralarynyń arqasynda polıtseıler ózderi shuǵyl kelgen. Er adamǵa qatysty QR ÁQtK 440-baby (Alkogoldik ishimdikterdi ishý nemese qoǵamdyq oryndarǵa masań kúıde kelý) boıynsha ákimshilik hattama toltyryldy. Qazirgi tańda qarýdyń qaıdan alǵany anyqtalýda. Atalǵan fakti QR QK 287-baby 3-bóligi (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha Sotqa deıingi tergep-tekserýlerdiń biryńǵaı tizilimne engizildi.

Alynǵan qarý saraptamaǵa jiberildi. Tárkilengen qarý karabın KO-44 bolyp tabylatyny, bekitkish tetiginiń joǵy jáne serııalyq nómiri qaıta soǵylǵany belgili boldy.

Atalǵan fakti boıynsha túpkilikti protsestik sheshim saraptama nátıjelerinen keıin qabyldanady.

Joǵary qaraı