Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda meıramhana órtenip, adamdar evakýatsııalandy

2021 jyldyń 16 sáýir 2021 23:18

PETROPAVL. QazAqparat – Petropavlda «Tbılısı» meıramhanasy órtenip, 9 adam qaýipsiz jerge shyǵaryldy, dep habarlaıdy QazAqparat tilshisi.

Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, 16 sáýir, saǵat 18.17-de 101 pýltine Petropavldaǵy Aıaǵan Shájimbaev, 141 mekenjaıyndaǵy «Tbılısı» meıramhanasynda órt shyqqandyǵy jaıynda habarlama túsedi.

Mamandar oqıǵa ornyna 5 mınýtta jetip, birden órt sóndirýge kiristi. Olar kelgende eki qabatty ǵımarat qalyń tútinge oranyp, shatyry lapyldap janyp jatqan. Sol jerde shuǵyl shtab qurylyp, Petropavl qalasynyń órt sóndirý qyzmetiniń qosymsha kúshi tartyldy. Órt úsh ýchaskede bir ýaqytta sóndirile bastady.









Mamandardyń aıtýynsha, ǵımarattan 9 adam – meıramhana qyzmetkerleri qaýipsiz jerge shyǵaryldy. Órtpen kúreske 15 tehnıka jáne jeke quramnan 67 adam jumyldyryldy.

Órttiń saldarynan ǵımarattyń shatyry janyp ketti, eki qabat – 280 sharshy metr jalynmen zaqymdandy.

Tilsiz jaý saǵat 19.03-te tolyq sóndirildi. Zardap shekkender men qaza tapqandar joq. Ázirge órttiń shyǵýyna ne sebep bolǵany belgisiz, kelgen shyǵyn mólsheri de eseptelip jatyr.





Joǵary qaraı