Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda naýqasty alyp bara jatqan jedel járdem kóligi aýdaryldy

2020 jyldyń 15 tamyz 2020 17:04

PETROPAVL. QazAqparat – Petropavl qalasynda N.Nazarbaev-Ǵ.Músirepov kósheleriniń qıylysynda jedel járdem kóligine jeńil kólik soqty, dep habarlaıdy QazAqparat.

Polıtsııa departamentiniń baspasóz qyzmetiniń málimetinshe, ÝAZ-452 arnaıy kóligi dabylyn, arnaıy shamdarny qosyp kele jatqan, onyń ishinde patsıent bolǵan. Onymen soqtyǵysqan VAZ-32112 jeńil kóliginiń 37 jastaǵy júrgizýshisi oqıǵa ornynan polıtsııa kelgenshe qashyp ketken. Ol kópqabatty úıdiń biriniń aýlasynda ustaldy.

«Dárigerler jol apaty kezinde jedel járdem kóliginiń ishinde bolǵan 71 jastaǵy áıeldi tekserdi. Onyń jaraqat almaǵany anyqtaldy. Áıel negizgi derti boıynsha emdelý úshin úshinshi qalalyq aýrýhanaǵa jatqyzyldy. Jedel járdem brıgadasynyń 25 jastaǵy feldsheri medıtsınalyq kómek kórsetilgen soń, úıine jiberildi», - dep málimdedi DP baspasóz qyzmeti.





Oqıǵaǵa baılanysty Ákimshlik quqyqbuzýshylyq týraly kodekstiń «Kólik quraldary júrgizýshileriniń jol júrisi kólik quraldarynyń búlinýine alyp kelgen buzýshylyǵy» 610-baby boıynsha ákimshilik quqyq buzýshylyq týraly is qozǵaldy. Odan keıin bul is protsessýaldyq sheshim qabyldanýy úshin Petropavl ákimshilik sotyna jiberiledi. Sondaı-aq oqıǵa orynan ketip qalǵan jeńil kólik júrgizýshisine qatysty hattama toltyryldy.


Joǵary qaraı