Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda polıtseılerge baǵynbaǵan áıel men onyń balasyna aıyppul salyndy

2020 jyldyń 8 tamyz 2020 17:22

PETROPAVL. QazAqparat – Soltústik Qazaqstan oblysynda karantın talaptarynyń oryndalýyn qadaǵalaıtyn monıtorıngtik top maska rejımin buzýdyń 275 deregin anyqtady, dep habarlaıdy QazAqparat tilshisi.

Jumys tobynyń taǵy bir mindeti belgilenbegen jerde saýda jasaýǵa jol bermeý.

«Konstıtýtsııa kóshesiniń boıynda tártip saqshylaryna baǵynbaǵan eki tulǵa ustaldy. Petropavl turǵynyna «Saýda jasaý erejesin buzý» baby boıynsha ákimshilik is qozǵaldy. Áıel 5 AEK mólsheri – 13 890 teńge aıyppul tóleıdi. Onyń ulyna «Bılik ókilderiniń zańdy talabyna baǵynbaý» baby boıynsha ákimshilik materıal jınalyp, sotqa jiberildi. Sot ony aıypty dep tanyp, 20 AEK mólsherinde, ıaǵnı 55 560 teńge aıyppul saldy», - deıdi jergilikti polıtsııa qyzmeti basqarmasy basshysynyń orynbasary Aleksandr Rozbah.

Onyń aıtýynsha, maska rejıminiń saqtalýyna qatysty reıdter negizinen halyqty eskertý maqsatynda uıymdastyrylady. Al eskertýdi elemegenderge ákimshilik shara qoldanylady.

«Karantındik shekteý sharalaryn buzǵandarǵa ákimshilik jaýapkershilik - 30 AEK mólsherinde aıyppul qarastyrylǵan. Ol – 83 340 teńge. Biz materıaldy jınap, taýarlar men kórsetiletin qyzmetterdiń sapasy men qaýipsizdigin baqylaý departamentine jiberemiz. Sheshimdi solar qabyldaıdy», - deıdi Aleksandr Rozbah.

SQO-da demalys kúnderine karantındik shekteý sharalary kúsheıtildi. Osyǵan oraı polıtseıler tótenshe jaǵdaılar departamentiniń qyzmetkerlerimen birge halyqtyń demalys oryndaryna – ózen-kólderdiń basyna, jaǵajaılarǵa reıdter uıymdastyrmaq.

Jalpy óńirde karantın talaptarynyń oryndalýyn qadaǵalaıtyn monıtorıngtik top maska rejımin buzýdyń 275 deregin anyqtady.

Buǵan deıin qoǵamdyq kólikterge maska taqpaı reıd uıymdastyrǵan memlekettik qyzmetshiniń ózine aıyppul salynatyndyǵyn aıtqan edik.



Joǵary qaraı