Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda saýda bazary qala shetine kóshirilip jatyr

2021 jyldyń 21 sáýir 2021 22:56

PETROPAVL. QazAqparat – Petropavlda qala ortasynda turǵan kóterme saýda bazary kóshirilip, ornyna bıznes klasty, 18 qabatty eki turǵyn úı salynbaq, dep habarlaıdy QazAqparat tilshisi.

Petropavldaǵy kóterme saýda bazaryn qala shetine kóshirý máselesi kópten kóterilgenimen, naqty is endi qolǵa alynbaqshy. Ortalyqta turǵan bul saýda ornyna aıyna 200 myńdaı adam keledi eken. ıAǵnı munda únemi sapyrylysqan halyq, yǵy-jyǵy kólik.

«Bazar 17 mamyrdan bastap, úsh aptanyń ishinde kóshiriledi. Jumys oryndary saqtalady. Jańa jerge kóshiremiz. Onyń ornyna «KZ» dep atalatyn turǵyn úı kesheni salynady. Bul jerde 18 qabatty eki turǵyn úı bolady. Astynda eki qabatta kommertsııalyq nysandar, al úılerdi eki deńgeıli avtoturaq qosatyn bolady. Avtoturaqtyń ústine balalardyń oıyn alańyn ornalastyramyz.





Úıler zamanaýı qurylys materıaldarynan salynady. Olardyń bıiktigi 67 metr, ıaǵnı oblys ortalyǵyndaǵy eń bıik ǵımarat bolady.

Buǵan deıin Petropavlda mundaı joǵary deńgeıli baspana salynbaǵan. Nur-Sultan jáne Almaty qalalarynda jumys istegen tájirıbeli jobalaýshylardy shaqyrdyq», - deıdi «Kóterme saýda ortalyǵy» JShS jetekshisi Aleksandr Fomın.

Tapsyrys berýshi – «Bars-stroı» kompanııasy. Merdiger kompanııa Nur-Sultan qalasynan kelip otyr. Aldyn ala kelisim boıynsha qurylys 18 aıǵa sozylady. Bıyl maýsym aıynda bastalyp, kelesi jyly jeltoqsanda beriledi.

«Eskızin bekitýge ǵana jarty jylymyzdy jumsadyq. Páterler yńǵaıly bolady, bıiktigi – 3 metrge deıin. 16 qabatta terrasasy bar páterler salynady. Kommertsııalyq oryndar, avtoturaq qarastyrylǵan», - deıdi Aleksandr Fomın.





SQO ákimi Qumar Aqsaqalov jańa úılerdiń jobalarymen tanysty.

«Bazarlar qalanyń syrtyna qaraı bolýy kerek, bul turǵyndarǵa da yńǵaıly. Bul jerde úıler salynǵannan keıin mańaıy da kógaldandyrylyp, qalaǵa kórik beredi.

Jalpy, byltyr Petropavl boıynsha kóp qabatty 24 úı paıdalanýǵa berildi. 48 qurylys alańynda jumys júrdi. Bıyl olardyń sany – 56. 340 myń sharshy metr turǵyn úı berýdi josparlap otyrmyz. Ol – 3,5 myń páter. Budan basqa iri kompanııalardy turǵyn úı salýǵa shaqyryp jatyrmyz. Solardyń biri «Bazıs A». Qazir jobalaýmen aınalysyp jatyr, Naberejnyı kóshesinde qurylys júrgizbek. Jas Órken yqsham aýdanynyń bolashaǵy zor, ol jerde qurylys jalǵasady. Ýálıhanov kóshesi keńeıtile otyra úıler salynyp jatyr, Bereke yqsham aýdanynda 6 kóp qabatty úıdiń qurylysy júrip jatyr.

Bıyl Kopaı aýdanynda eski úılerdi buzýdy astaımyz. Joba ázir», - dedi Qumar Aqsaqalov.








Joǵary qaraı