Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda shańǵy bazasynyń aýmaǵyn qalpyna keltirýge 70 mln teńge jumsaldy

2020 jyldyń 8 tamyz 2020 05:11

PETROPAVL. QazAqparat – Petropavldaǵy Borkı kentindegi shańǵy bazasynyń aýmaǵy kúrdeli jóndelip, kúz bastalǵansha paıdalanýǵa berilmek, dep habarlaıdy QazAqparat tilshisi.

Petropavldaǵy Aleksandr Vınokýrov atyndaǵy sport saraıy mańyn kógaldandyrý jumystary aıaqtaldy. Ǵımarattyń jan-jaǵyna jańadan asfalt tóseldi. Al jaqynda mundaǵy muz aıdynynda jaryqtandyrý júıesi jańǵyrtylmaq. Qazir jumysshylar jańadan kórermender minberin ornatyp jatyr. Barlyq jumysqa 28 mln jýyq teńge bólingen. Merdiger kompanııa qurylysty tamyz aıynyń sońyna deıin bitirip, tapsyrmaq.

Petropavldaǵy Borkı kentinde ornalasqan shańǵy bazasynda kógaldandyrý jumystarynyń bastalǵanyna eki aı ótken.

«Jańa asfalt 15 myń sharshy metr aýmaqqa tóseledi. Tenderdi utyp alǵan «Petropavl joldary» JShS negizgi jumystardy aıaqtaýǵa jaqyn. Shańǵy-roller joly tolyqtaı jańalandy. Qazir ol aerodromnyń ushyp-qoný jolaǵyna uqsaıdy. Barlyq jumysqa 70 mln teńge bólingen», - deıdi Soltústik Qazaqstan oblystyq sport basqarmasynyń baspasóz hatshysy Marat Shyntemirov.

Shańǵy bazasyndaǵy jóndeý jumystary tamyz aıynyń sońyna deıin aıaqtalýy tıis. Nysan paıdalanýǵa berilisimen sportshylar óz jattyǵýlaryna kirisedi. Nysannyń aýmaǵyn jańǵyrtý nátıjesinde birqatar sport túrlerinen sapaly túrde sport sheberlerin shyńdaýǵa múmkindik berilmek.

«Shańǵy bazasynyń aýmaǵy qala turǵyndaryna únemi ashyq. Búginde ol belsendi demalysty unatatyn kópshiliktiń súıikti ornyna aınalǵan. Petropavldyqtar bul jerde júgirip, velosıped, rolık, skeıtbord tebe alady», - deıdi Marat Shyntemirov.



















Joǵary qaraı