Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavlda sıntetıkalyq esirtki satqan turǵyn ustaldy

2022 jyldyń 25 qańtar 2022 02:03

PETROPAVL. QazAqparat – Petropavlda sıntetıkalyq esirtkini arnaıy oryndarǵa jasyryp, taratýmen aınalysqan 24 jastaǵy jigit ustaldy, is sotqa jiberildi, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, byltyr shildede esirtki qylmysyna qarsy is-qımyl basqarmasynyń qyzmetkerleri «jasyrý» ádisimen psıhotroptyq zattardy saqtap jáne taratqan kúdikti jigitti ustady. Petropavldyń 24 jastaǵy turǵynynan tekserý kezinde «tuzǵa» uqsas zat bólinip salynǵan 23 polımer oramasy tabylyp, alyndy. Er adam polıtseılerge uqsas zattar jasyrylǵan taǵy 22 oryndy kórsetti. Tárkilengen psıhotroptyq zattardyń jalpy salmaǵy 31,32 gramdy qurady. Bul asa iri mólsher bolyp sanalady.

Búgingi kúni sıntetıkalyq esirtki taratýmen aınalysqan Petropavl turǵynyna qatysty sotqa deıingi tergeý materıaldary sotqa joldady.

Qazirgi ýaqytta ustalǵan jigit qamaýda otyr. Oǵan QR Qylmystyq kodeksiniń 297-babynyń 3-bóligi, ıaǵnı esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý boıynsha aıyp taǵylǵan.


Joǵary qaraı