Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda skýterdi mas kúıde júrgizgen jigit apatqa ushyrady

2021 jyldyń 21 shilde 2021 18:04

PETROPAVL. QazAqparat – Petropavlda 20 jastaǵy jigit mas kúıde skýtermen kele jatyp apatqa ushyrady, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, 21 shilde kúni saǵat 02.30 shamasynda 20 jastaǵy Petropavl turǵyny «Alpha» skýterimen kele jatyp apatqa ushyraǵan. Onyń kóligi Petropavldaǵy Jambyl men Gashek kósheleriniń qıylysynda jol shetindegi jıektasqa ilinip qalǵan. Jigit aman qaldy. Synǵan skýterdiń qasynda turǵan júrgizýshini ótip bara jatqan avtopatrýl baıqaǵan.

Bul kólik quraly jyldamdyqty saǵatyna 50 km-den asyra alady.

Jigittiń júrgizýshi kýáligi bolmaǵan. Medıtsınalyq kýálandyrý mas bolǵanyn kórsetti. Ákimshilik materıal jınaldy. Endi ol 20 táýlikke deıin qamaýǵa alynýy múmkin.

«Jastar arasynda skýter suranysqa ıe. Onymen kóbinese kólik júrgizý tájirıbesi joqtar jáne júrgizýshi kýáligin almaǵandar júredi.

Qozǵaltqyshtyń ishten janý kólemi 50 tekshe santımetrden aspaıtyn nemese elektr qozǵaltqyshy bar jáne saǵatyna 50 km-den jyldamdyqty arttyrmaıtyn kólik quraldaryn júrgizý úshin júrgizýshi kýáligi qajet emes.

Tek ol úshin 16 jastan asý kerek. Biraq kim bolsa da jolda júrý erejesin bilýge mindetti», - deıdi SQO PD JPB bastyǵynyń minetin atqarýshy Aleksandr Rozbah.

Eki dońǵalaqty kólik ıeleri tek 18 jastan bastap qana jolaýshy tasymaldaı alady. Olar motoshlem kııýge mindetti. Trotýarmen júrýge tyıym salynǵan. Al jolda tek oń jaǵymen ǵana júrýge bolady.


Joǵary qaraı