Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda úsh aıaldamany qıratqandar shyǵyndy óz qaltalarynan óteıdi

2021 jyldyń 22 qańtar 2021 17:50

PETROPAVL. QazAqparat – Petropavlda úsh aıaldama pavılonyn qıratqan jigitter kameralardyń kómegimen anyqtaldy, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavldyń Novopavlovka kenti aýdanynda úsh aıaldama pavılonynyń synǵanyn tańerteń qala turǵyndary baıqap, birden polıtsııaǵa habarlaǵan.

Tártip saqshylary buzaqylardy anyqtaý úshin bir apta boıy jumys istedi.

«Túnde qydyratyndardyń buzaqylyq áreketi ekendigine esh kúmánimizbolmady. Tapa-tal túste úsh birdeı aıaldamany qıratýǵa eshkimniń dáti barmas edi. Taksı júrgizýshilerinen, kóńil kóterý oryndarynyń qyzmetkerlerinen jaýap alyndy, atalǵan shaǵyn aýdandaǵy kameralardan vıdeo zerdelendi. Nazarǵa demalys aımaǵynyń birinde týǵan kúnin atap ótken jas jigitterdiń toby ilikti», - deıdi Petropavl qalalyq birinshi polıtsııa bóliminiń qyzmetkerleri.




Polıtsııa bólimine jetkizilgen jigitter istegenderin moıyndaýǵa asyqpaı, qatysy joqtaryn aıtyp aqtalǵan. Alaıda sol aýdandaǵy kamera mas jigitterdiń óreskel áreketterin, aıaldama pavılonnyń shyny qabyrǵalaryn syndyrǵanyn tirkegen.

Petropavldyń turǵyn úı-kommýnaldyq sharýashylyǵy bóliminiń ókilderi kelgen shyǵyndy eseptep, tergeý materıaldaryna qosty. Bir aıaldama pavılonynyń jalpy quny 440 myń teńgeden asady.

Buzaqylyq faktisi Sotqa deıingi tergep-tekserýdiń biryńǵaı tizilimine engizildi. Kolledjdiń eki oqýshysy men 18-ge tolmaǵan jasóspirimge qatysty mindetti kelý túrindegi bultartpaý sharasy qoldanyldy.


Joǵary qaraı