Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda úı mańynan qardy shyǵarmaǵandarǵa aıyppul salynýy múmkin

2021 jyldyń 19 qańtar 2021 04:21

PETROPAVL. QazAqparat – Petropavlda polıtseıler úı-úıdi aralap, abattandyrý erejelerin, ıaǵnı baspana mańyn taza ustaý qajettigin eske salyp jatyr, dep habarlaıdy QazAqparat tilshisi.

Qańtardaǵy boran kommýnaldyq qyzmetterdi, polıtseılerdi, jeke sektor turǵyndaryn ábigerge saldy. Ýchaskelik polıtsııa ınspektorlary úı mańyndaǵy taý boı úıilgen qardy alǵyzý úshin, abattandyrý erejelerin túsindirýge qyzý kiristi.

Soltústik Qazaqstan oblysy polıtsııa departamenti baspasóz qyzmetiniń málimetinshe, ýchaskelik polıtsııa ınspektorlarynyń basty maqsaty – qalalyqtarǵa úı mańyn qardan ýaqtyly tazalap, shyǵarý qajettigin túsindirý. Jeke sektor turǵyndary qardy jolǵa shyǵaryp tastap jatady. Bul kólik júrgizýshilerine kedergi jasaıdy, tipti jol-kólik oqıǵalaryna alyp kelýi múmkin. Bunymen qosa, úıilgen qar kóktemde erip, sýdyń baspanaǵa kirý qaýpi bar. Ýchaskelik ınspektorlar kásiporyn, dúken ıelerimen de túsindirý jumysyn júrgizedi, eskertip, habarlamalardy taratady.

Petropavl qalalyq polıtsııa basqarmasy jergilikti polıtsııa qyzmeti bóliminiń bastyǵy Rýstam Sadýlovtyń aıtýynsha, polıtseıler QR Ákimshilik quqyq buzýshylyq týraly kodeksiniń 505-babyn, Soltústik Qazaqstan oblystyq máslıhatynyń «SQO qalalary men eldi mekenderiniń aýmaǵyn abattandyrý erejelerin bekitý týraly» sheshimin basshylyqqa alady. Erejege sáıkes jeke jáne zańdy tulǵalar irgeles aýmaqty ýaqtyly tazalaýy tıis.

Byltyr oblys ortalyǵynyń aýmaǵynda abattandyrý erejelerin buzýdyń 40 myńnan astam deregi anyqtaldy. Jyl basynan Petropavlda 263 eskertý jasaldy. Eger bir jyldyń ishinde qaıtalansa, aıyppul salynady.


Joǵary qaraı