Aýa raıy
Astana -6 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda vetınspektor para aldy dep kúdikke ilindi

2020 jyldyń 9 shilde 2020 22:31

PETROPAVL. QazAqparat – Petropavlda qalalyq aýmaqtyq ınspektsııasynyń memlekettik veterınarlyq-sanıtarlyq ınspektorlarynyń birine qatysty sotqa deıingi tergeýdi bastaldy, dep habarlaıdy QazAqparat tilshisi.

Soltústik Qazaqstan oblysynyń Sybaılas jemqorlyqqa qarsy qyzmeti málim etkendeı, veterınarlyq ınspektor bazar aýmaǵyna qara mal men shoshqa etin mindetti taýar súıemeldeý qujattarynsyz kirgizgen. Bul qyzmeti úshin ol kásipkerlik sýbektilerinen kún saıyn júıeli túrde 2 myńnan bastap 10 myń teńgege deıingi kólemde para alyp otyrǵan dep kúdiktelýde.

Zańsyz áreketke barǵan 3 jeke kásipker de endi jazaǵa tartylýy múmkin, olarǵa qatysty para berý faktileri boıynsha sotqa deıingi tergeý bastaldy.

«Bul fakti syrtqy taldaý barysynda anyqtalǵandaı baqylaý-qadaǵalaý fýnktsııasyn júrgizýdegi sybaılas jemqorlyq táýekelderiniń bolýynan oryn aldy. Ózge aqparat tergeý múddesi aıasynda jarııalaýǵa jatpaıdy», - delingen baspasóz habarlamasynda.


Joǵary qaraı