Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda jaǵymsyz ıispen kúresý úshin bıotoǵanǵa 4 myń tonna baldyr salyndy

2021 jyldyń 16 qyrkúıek 2021 22:12

PETROPAVL. QazAqparat – Petropavlda mamandar bıotoǵannan shyǵatyn kúkirtsýtektiń ıisin joıý úshin baldyrlardy qoldanyp jatyr, joba 3 jylǵa shaqtalǵan, dep habarlaıdy QazAqparat tilshisi.

Petropavlda 2023 jylǵa deıin kóktem men jazda turǵyndardyń mazasyn alatyn jaǵymsyz ıis máselesi tolyq sheshilmek. Kún jylynysymen bıotoǵannan kúkirtsýtek bólinip, qalany jaǵymsyz ıis basatyn.

«Qazgıdromet» RMK oblystyq fılıalynyń zerthana bastyǵy Oksana Gordıenkonyń aıtýynsha, tek shilde aıynda ǵana kúkirtsýtek tıisti mólsherden asýynyń 111 jaǵdaıy, tamyzda 65 jaǵdaıy tirkeldi. Qyrkúıek aıynda ázirge aýytqý tirkelgen joq, bul aýa temperatýrasynyń tómendeýimen baılanysty.

Bıotoǵandy tazartý úshin «Qyzyljar Sý» JShS men «Sýdyń ǵylymı-tehnologııalyq ortalyǵy» jergilikti joǵary oqý orny negizinde 3 jylǵa kelisimge otyrdy. Nátıjesinde 26 mln teńge jumsalyp jobanyń alǵashqy kezeńi júzege asty. Bıotoǵanǵa 4 myń tonna hlorella baldyry salyndy. Ol, mamandardyń aıtýynsha, zııandy zattardy sińiredi, óńdep, ottegin shyǵarady.




«Petropavldaǵy jaǵymsyz ıis ekologııalyq máseleler tizilimine engizilgen. Ekologııa departamenti oblystaǵy ekologııalyq ahýaldy jaqsartýǵa qatysty jol kartasyn jasady, bul qujat mınıstrmen, óńir basshysymen kelisilgen. Mine, osy jol kartasyndaǵy 10 pýnkt 2023 jylǵa deıin tazartý qurylystaryn jańǵyrtý jumystaryn aıaqtaýǵa qatysty», - deıdi SQO ekologııa departamentiniń basshysy Azamat Bektasov.

Atqarylyp jatqan jumystar kelesi jyldyń jazynda-aq nátıje bere bastamaq, desek te Petropavl jaǵymsyz ıisten tolyq tek 2023 jyly ǵana qutylmaq.


Joǵary qaraı