Aýa raıy
Astana -6 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda jolaýshy taksı júrgizýshisine qol kóterdi

2020 jyldyń 23 qazan 2020 07:36

PETROPAVL. QazAqparat – Petropavlda taksıge otyrǵan qala turǵyny aqsha tóleýden bas tartyp, júrgizýshige kúsh kórsetti, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, Petropavldyń 46 jastaǵy turǵyny ózine dene jaraqatyn keltirgeni týraly polıtsııaǵa aryzdandy. Ol - taksı júrgizýshisi. 19 qazan kúni tańerteń jol aqysyn tóleýden bas tartqan jolaýshymen janjaldasyp qalǵan. Saldarynan jolaýshy onyń betinen judyryǵymen eki ret tartyp jibergen.

Krımınaldyq polıtsııa bóliminiń qyzmetkerleri kúdiktini - 1979 jyly týǵan Petropavl turǵynyn anyqtady. Onyń aıtýynsha, júrgizýshi barsetkasyn tartyp almaq bolǵan. Sol sebepti óziniń kúsh qoldanǵanyn joqqa shyǵarmady. Atalǵan fakti «Densaýlyqqa qasaqana jeńil zııan keltirý» baby boıynsha Sotqa deıingi tergep-tekserýdiń biryńǵaı tizilimine engizildi.

«Taksı júrgizýshileri men jolaýshylar arasynda janjal bolyp turady, kóbine daý mas kúıde mingen jolaýshylarmen bolady. Ádette, urystan aspaıdy, biraq keıde jaǵdaı ýshyǵyp ketedi. Kez-kelgen daýlasý zańdy túrde sheshilýi tıis ekendigin barlyq azamattardyń esine salamyz. Emotsııanyń saldary endi zań aldynda jaýap berýge ákelýi múmkin», - deıdi Petropavl qalasy polıtsııa basqarmasy bastyǵynyń mindetin atqarýshy Álibek Ǵabdýllın.


Joǵary qaraı