Aýa raıy
Astana 9 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlda júrgizýshi avtoturaqta turǵan úsh kólikti qaqty

2020 jyldyń 30 shilde 2020 22:55

PETROPAVL. QazAqparat – Petropavlda kólik júrgizýshisi qarsy kele jatqan kólikpen qaqtyǵystan qashyp, avtoturaqta turǵan 3 mashınany zaqymdady, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń málimetinshe, kólik apaty 29 shilde kúni saǵat 21.00 shamasynda bolǵan. Petropavldaǵy Jambyl Jabaev jáne Partızan kósheleriniń qıylysynda VAZ-21099 kóliginiń júrgizýshisi qarsy betten kep qalǵan «Nissan Qashqai» kóligimen soqtyǵysýan qashyp, rólge ıe bola almaı qalǵan. Sonyń saldarynan trotýarǵa shyǵyp ketip, turaqta turǵan kólikterge soǵylǵan.

VAZ kóligindegi eki jolaýshy dene jaraqattaryn alyp, aýrýhanaǵa jetkizildi. Medıtsınalyq kómek kórsetilgennen keıin olar úılerine jiberildi. Al avtoturaqta turǵan eki «Toyota Land Cruiser» jáne «Hyundai» kólikterine zaqym keldi.

Kólik apatyna qatysty ákimshilik is qozǵaldy. Eki kóliktiń júrgizýshisi de mas bolmaǵan. Jınalǵan materıal Petropavl qalasynyń Mamandandyrylǵan ákimshilik sotyna jiberiledi.

Sol kúni bir saǵattan keıin taǵy da sol qıylysta «Audi» mashınasy bir baǵytta kele jatqan «Mitsubishi Galant» kóligimen soǵyldy.

«Bul qıylysqa bir aı buryn «Mıraj» avtomattandyrylǵan júıesi ornatylǵan. Óıtkeni kólik apattary jıi tirkeledi. Júıe jyldamdyqty asyrǵandardy jáne baǵdarshamnyń qyzyl túsine ótkenderdi tirkeıdi. Bir aıdyń ishinde jyldamdyqty asyrýdyń 60 deregi tirkeldi. Jalpy Petropavlda mundaı avtomattandyrylǵan júıe 7 qıylysqa qoıylǵan. Basty maqsat – kólik júrgizýshilerin tártipke shaqyrý», - deıdi SQO PD Jergilikti polıtsııa qyzmeti basqarmasy bastyǵynyń mindetin atqarýshy Grıgorıı Tysh.

Jyl basynan oblysta 98 kólik apaty tirkeldi. Saldarynan 13 adam mert bolsa, 129-y jaraqat alǵan.


Joǵary qaraı