Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Petropavldaǵy 2-JEO jańǵyrtýǵa 17 mlrd teńge jumsalmaq

2022 jyldyń 27 qańtar 2022 20:20

PETROPAVL. QazAqparat – Petropavl jylý-elektr ortalyǵynda jylytý maýsymy bastalǵaly úshinshi ret qazandyqtar isten shyqty, dep habarlaıdy QazAqparat tilshisi.

«SEVKAZENERGO» AQ baspasóz qyzmetiniń málimetinshe, Petropavldaǵy 2-jylý-elektr ortalyǵynda 22 qańtar kúni úsh qazandyq isten shyqty. Tozyǵy jetken agregattar shydas bermegen. 24 qańtar kúni olardyń qataryna taǵy bireýi qosyldy. Saldarynan oblys ortalyǵyndaǵy páterler salqyndap, turǵyndar tarapynan shaǵym kóbeıdi. Mamandardyń aıtýynsha, qazir kásiporynda táýlik boıy jóndeý jumystary júrgizilip jatyr.

«Kúz-qys aılarynda jylýmen tolyq qamtý úshin 12 qazandyqtyń segizi qosylady. Alaıda 3 qazandyq birinen keıin biri araǵa 2-3 saǵat salyp isten shyqty. Qazirgi ýaqytta tıisti jumystar júrgizilip jatyr. Nátıjesinde búginde 7 qazandyq istep tur. Búgin-erteń taǵy ekeýin jóndep, iske qosamyz. Bul oblys ortalyǵyn jylýmen qamtýǵa tolyq jetkilikti», - deıdi Petropavl jylý-elektr ortalyǵynyń dırektory Erjan Qońyrbaev.

Mamandardyń aıtýynsha, tek qazandyqtardy ǵana qalypty jaǵdaıda ustaý úshin jylyna 6 mlrd teńge qajet eken. 60 jyldyq tarıhy bar qazandyqtardy aýystyrý úshin qyrýar qarajat kerek. Jylytý maýsymy aıaqtalǵannan keıin kásiporyndy modernıtsazııalaý josparlanǵan. Bul maqsatqa 17 mlrd teńge jumsalmaq.

Sondaı-aq, monopolıst kommýnaldyq qyzmet tıisti deńgeıde kórsetilmegendikten abonentterge tólem qaıta esepteletinin jetkizdi.











Joǵary qaraı