Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavldaǵy kóńil-kóterý orny janynda tapanshadan oq atqan jigit ustaldy

2021 jyldyń 14 qazan 2021 18:07

PETROPAVL. QazAqparat – Petropavlda kóńil-kóterý orny mańynda tapansha atqan 23 jastaǵy jigit ustaldy, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, 3 qazanǵa qaraǵan túni Petropavl qalalyq polıtsııa basqarmasynyń kezekshi bólimine oblys ortalyǵynyń kóńil-kóterý oryndarynyń biriniń mańynda pnevmatıkalyq tapanshanyń atylǵany týraly habarlama túsken.




Kýágerlerdiń aıtýynsha, mastyqtan týǵan janjal barysynda jas jigit eki ret aspanǵa, keıin bir ret adamnyń keýdesine atqan. Shaqyrtý boıynsha kelgen polıtseıler 23 jastaǵy kúdiktini ustady.

Atalǵan fakti QR Qylmystyq kodeksiniń 293-baby 3-bóligi «Buzaqylyq» boıynsha Sotqa deıingi tergep-tekserýlerdiń biryńǵaı tizilimine engizildi. Tárkilengen kalıbri 4,5 mm, «MR» pnevmatıkalyq tapansha ballıstıkalyq saraptamaǵa jiberildi. Jábirlenýshi sot-medıtsınalyq saraptama ótkizýden bas tartty.

«Eger adamǵa qarsy pnevmatıkalyq qarýdy qoldaný týraly habarlama rastalmasa, qarý ıesi qala sheginde pnevmatıkalyq qarýdan atqany úshin ákimshilik jaýapqa tartylýy múmkin. Al atys qarýyn, gazdy qarýdy, pyshaqty, kastetti jáne ózge de sýyq qarýdy qoldanyp nemese qoldanýǵa tyrysyp jasalǵan buzaqylyq úsh jyldan jeti jylǵa deıin bas bostandyǵyn shekteý nemese aıyrý jazasyn kózdeıtinin eske salamyz», - deıdi Petropavl qalalyq polıtsııa basqarmasy bastyǵynyń birinshi orynbasary Álibek Ǵabdýllın.


Joǵary qaraı