Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Petropavldaǵy órt er adam men eki balanyń ómirin jalmady

2020 jyldyń 7 tamyz 2020 14:45

PETROPAVL. QazAqparat – Petropavlda jeke turǵyn úıde órt bolyp, úsh adam kóz jumdy, dep habarlaıdy QazAqparat tilshisi.

Túngi saǵat ekide Jumysshylar kentindegi turǵyn úı otqa oranǵan. Órtti sóndirý kezinde qutqarýshylar úıden 32 jastaǵy onyń ıesi men 9 jáne 5 jastaǵy eki balanyń denesin alyp shyqty.

«Marqumdardyń máıitteri sot-medıtsınalyq saraptamasyna jiberildi. Alǵashqy bólimsheler kelgen kezde úıdiń shatyry tolyǵymen órtke oranǵan. Bul órttiń ýaqtyly anyqtalmaýyn jáne órt týraly habarlamanyń kesh túsýin kórsetti. Órt ishinara kórshi úıge taraǵan. Oqıǵa ornynda alty tehnıka, jeke quramnyń 20 qyzmetkeri jumys istedi. Órttiń jáne adamdar óliminiń sebebin jedel-tergeý toby anyqtaıdy», - dedi tótenshe jaǵdaılar departamenti basshysynyń orynbasary Nurlan Atyǵaev.

Jyl bastalǵaly beri 28 soltústik qazaqstandyq tilsiz jaýdan kóz jumǵan.



Joǵary qaraı