Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Petropavlǵa kire beriste tórt kólik soqtyǵysty

2021 jyldyń 24 qarasha 2021 17:55

PETROPAVL. QazAqparat – Petropavlda tirkemesi bar Kamazben birneshe jeńil kólik soqtyǵysyp, saldarynan jol qozǵalysy tejeldi, dep habarlaıdy QazAqparat tilshisi.

Petropavlda búgin birneshe kólik soqtyǵysyp qaldy. Jol-kólik oqıǵasynyń beınejazbasy birden áleýmettik jelide tarady.

Kýágerlerdiń aıtýynsha, jol apaty qalaǵa kire beriste, polıtseılerdiń baqylaý-ótkizý pýnktiniń mańynda bolǵan. Jeli qoldanýshylarynyń pikirinshe, bul oqıǵaǵa joldardyń ýaqtyly tazalanbaýy sebep.

Petropavl qalalyq polıtsııa basqarmasy jol-kólik oqıǵasyna qatysty túsinik berdi.

«24 qarasha kúni saǵat 13.20-da «102» jedel arnasyna Qojabergen Jyraý kóshesinde «ıÝjnyı» baqylaý pýnktinde «Daewoo Nexia», «Toyota Alphard», «Opel Astra» jeńil kólikteri jáne tirkemesi bar Kamaz mashınasy soqtyǵysqany jaıynda habar tústi.

Jol-kólik oqıǵasynda zardap shekkender joq, júrgizýshilerdiń barlyǵy spırttik ishimdik ishpegen.

Osy faktige qatysty materıal ári qaraı protsessýaldyq sheshim qabyldanýy úshin Petropavl mamandandyrylǵan ákimshilik sotyna jiberiledi», - delingen habarlamada.


Joǵary qaraı