Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Pfizer vaktsınasy 5-11 jas aralyǵyndaǵy balalarǵa 90% tıimdi

2021 jyldyń 24 qazan 2021 15:40

BRıÝSSELЬ. QazAqparat – «Pfizer-BioNTech» vaktsınasy 5-11 jas aralyǵyndaǵy balalarǵa 90,7% tıimdiligin rastady. Bul týraly juma kúni Pfizer kompanııasy málimdedi, dep habarlaıdy QazAqparattyń menshikti tilshisi.

Farmakologııalyq kompanııa AQSh-ta atalǵan jas sanatyna vaktsınany jedel qoldanýǵa ruqsat alý úshin ótinim jiberdi. Ol AQSh-tyń Dári-dármek jónindegi federaldy agenttiginiń saıtynda jarııalanǵan.

Pfizer derekterine saı, ekinshi dozadan keıin kem degende jeti kún ótkennen keıin vırýstyń sımptomdyq formalaryna qarsy vaktsınanyń tıimdiligi 90,7 % kórsetti. Zertteý 5-11 jas aralyǵyndaǵy 2 250 balaǵa júrgizildi. Olardyń 1 500-i vaktsına, al 750-i platsebo aldy.

Pfizer kompanııasy vaktsınalaýdan keıin aýyr aýrý túrleri men mýltı qabyný sındromy nemese mıokard jaǵdaılary tirkelgemegenin habarlady.

Balalarǵa arnalǵan dozanyń mólsheri – 10 mıkrogram. Eresekterge 30 mıkrogramm salynady.

Bir aı buryn Pfizer vaktsınanyń 5-11 jastaǵy balalarǵa qaýipsiz jáne tıimdi ekenin málimdegen, alaıda onyń dálelderi bolmaǵan.

Vaktsınalar boıynsha ishki sarapshylardan turatyn AQSh-tyń dári-dármek jónindegi federaldy agenttiginiń keńes berý komıteti 26 qazan kúni Pfizer ótinimin qarastyrý boıynsha kezekti otyrys ótkizedi.

AQSh-tyń densýlyq saqtaý organdary 5-11 jas aralyǵyndaǵy balalarǵa Pfizer vaktsınanyn egýge ruqsat etse, balalardy vaktsınalaý naýqany qarashanyń basynda bastalyp ketpek. AQSh bıligi osy aptanyń basynda el boıynsha vaktsınanyń mıllıondaǵan dozasyn halyq arasynda bólýdi tezdetetinin málimdegen.

Eýropa dári-dármek agenttigi osy aptada bes jastan asqan balalarǵa koronavırýsqa qarsy Pfizer/BioNTech vaktsınasyn egýdi keńeıtý boıynsha ótinimdi qarastyra bastady.

Belgııanyń vaktsınalaý boıynsha maqsatty tobynyń ókili eldiń Eýropa dári-dármek agenttiginiń baǵasyna sáıkes 12 jasqa deıingi balalardy vaktsınalaý boıynsha sheshim qabyldaıtynyn aıtty.

Qazirgi kezde vaktsınalaý sertıfıkaty Green Pass Eýroodaq elderiniń kóbinde 12 jastan asqan azamattardan qoǵamdyq sharalarǵa, dámhanalar men meıramhanalarǵa barǵan kezde suralady.


Arnur Rahymbekov


Basty sózder: Álem, Koronavırýs, Medıtsına, Vaktsına,
Joǵary qaraı