Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Plastık bótelkelerde 5 keli «gashısh» saqtaǵan qostanaılyq ustaldy

2021 jyldyń 20 qańtar 2021 12:40

QOSTANAI.QazAqparat – Qostanaılyq jedel ýákilder plastıkalyq bótelkelerde gashısh saqtaǵan er adamdy ustady, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

«Jedel-izdestirý is-sharalaryn júrgizý barysynda esirtki qylmysyna qarsy is-qımyl basqarmasynyń qyzmetkerleri 47 jastaǵy er adamdy ustady. Ony tergeý kezinde skotchpen oralǵan karton qoraby tárkilendi, ishinde syıymdylyǵy 3 jáne 5 lıtr plastık bótelkeleri bar eki sary polıetılen paket boldy. Bótelkelerden belgili bir ıisi bar jasyl ósimdik tektes usaqtalǵan ári syǵymdalǵan zat shyqty. Saraptamaǵa sáıkes, tárkilengen zat jalpy salmaǵy 5 keliden asatyn «gashısh» esirtkisi ekeni anyqtaldy», delingen vedomstvo habarlamasynda.

Kúdikti Áýlıekól aýdanynyń turǵyny bolyp shyqty. Biraq is júzinde ol Nur-Sultan qalasynyń aýmaǵynda turǵan. Ol buǵan deıin osyǵan uqsas qylmys jasaǵany úshin sottalǵan. Qazirgi ýaqytta ol Qostanaı qalasynyń ýaqytsha ustaý ızolıatorynda.

QR QK 297-babynyń 3-bóligi boıynsha tirkelgen qylmystyq is sheńberinde odan ári tergeý is-sharalary júrgizilýde. Tárkilengen esirtkiniń quny shamamen 2,5 mln teńgege baǵalanady.


Joǵary qaraı