Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Polıtsııa Kaspi kompanııasyna qaraqshylyq shabýyl jasaǵandardy ustady

2020 jyldyń 30 qazan 2020 12:20

ALMATY. QazAqparat – Almatyda Kaspi bólimshesine jasalǵan shabýylǵa kúdikti adamdar ustaldy, dep habarlaıdy QazAqparat tilshisi.

Almaty qalasy PD krımınaldyq polıtsııasynyń habarlaýynsha, osy qylmysty jasady degen kúdikpen 35, 34 jáne 28 jastaǵy úsh adam ustaldy. Eki er adamdy Almaty qalalyq krımınaldyq polıtsııa jedel ýákilderi ustady.

Úshinshi kúdiktini dál qazir Oral qalasynda Batys Qazaqstan oblysynyń PD qyzmetkerleri ustady. Aıǵaqzat retinde urlanǵan qarajat tárkilenip, QR QK-niń 192-baby, 3-bólimi boıynsha Almaly aýdandyq polıtsııa Basqarmasynyń qylmystyq is materıaldaryna tirkelgen.

Aıta ketý kerek, Almatyda 15 qazanda Kaspi bank bólimshesine shabýyl jasalǵan bolatyn.

Belgisiz adamdar bank qyzmetkerlerin qarýmen qorqytyp, aldyn ala málimetter boıynsha, 2 mln teńgeni alyp ketken. Qaraqshylardyń biri baltamen kassanyń shyny terezesin syndyryp, ishke engen.

Qaraqshylar qoldanǵan ańshy myltyǵy solardyń birine tıesili ekendigi anyqtaldy. Ustalǵandar qamaýǵa alyndy.


Joǵary qaraı