Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Polıtsııa «Quqyqtyq tártip» jedel aldyn alý sharasyn erekshe ókimge deıin jalǵastyrady

2022 jyldyń 19 qańtar 2022 10:05

NUR-SULTAN. QazAqparat - 15 qańtarda tótenshe jaǵdaı rejımi toqtaǵan óńirlerde «Quqyqtyq tártip» jedel aldyn alý sharasy bastaldy, dep habarlaıdy Polisia.kz.

19 qańtardan bastap jedel aldyn alý sharasy tótenshe jaǵdaı rejımi toqtatylǵan Nur-Sultan jáne Almaty qalalarynda, sondaı-aq, Almaty, Atyraý, Jambyl, Qyzylorda jáne Mańǵystaý oblystarynda ótkiziledi.

Іs-sharanyń negizgi maqsaty – jedel jaǵdaıdy turaqtandyrý, zańdylyqty, quqyqtyq tártipti jáne qaýipsizdikti qamtamasyz etý boıynsha sharalar qabyldaý.

Zańnamaǵa sáıkes ishki ister organdary jedel-aldyn alý is-sharasy sheńberinde júzege asyrady:

– quqyq belgileıtin qujattardy tekserý jáne kólik quraldaryn, sondaı-aq, jeke tulǵalardyń jeke basyn kýálandyratyn qujattardy tekserý, olardy jáne zattaryn jeke tekserý;

– jaldamaly páterlerdi, tastalǵan úılerdi, hostelderdi, saıajaılardy, bazarlardy, tehnıkalyq qyzmet kórsetý stantsııalaryn, sharýa jáne fermer qojalyqtaryn, shalǵaıdaǵy ýchaskelerdi, qystaqtardy tekserý;

– atys, travmatıkalyq jáne sýyq qarýdy, oq-dárilerdi, jarylǵysh zattardy jáne t.b. tárkileý; – belgili bir turǵylyqty jeri joq adamdardy, zańsyz mıgranttardy anyqtaý;

– buryn sottalǵan jáne ishki ister organdarynda esepte turǵan ózge de adamdardy tekserý.

Іshki ister mınıstrligi azamattardy jedel-aldyn alý is-sharasyn ótkizýge túsinistikpen qaraýǵa jáne polıtsııa qyzmetkerleriniń talaby boıynsha qujattardy kórsetýge shaqyrady.


Joǵary qaraı