Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Polıtsııa qyzmetkerleri bolmaǵanda, óler edim – Almatyda jappaı tártipsizdik kezinde jaraqat alǵan áıel

2022 jyldyń 17 qańtar 2022 22:08

ALMATY. QazAqparat - Almatylyq polıtseıler jappaı tártipsizdik kezinde jaraqat alǵan áıeldi qutqaryp qaldy, dep habarlaıdy QazAqparat tilshisi.

Almatylyq Sholpan Begaıdarovanyń aıtýynsha, Nazarbaev pen Abaı dańǵyldarynyń qıylysynda onyń kóligine terrorıster oq jaýdyrǵan.

Jaraqat alǵan áıel aıǵaılap, kómek suraǵan.


«Sol kezde arnaıy jasaq janyma keldi. Olar meni tez kóterip, shaǵyn avtobýsqa otyrǵyzdy. Ol jerde meniń qolymnan ustap, esimdi jıǵyzyp, sóılesip otyrǵan bir jigit boldy. Ol maǵan ómir súresiń dedi. Olardyń bet-álpeti esimde qalmady, barlyǵy betperde men bas kıim kıip alǵan. Olar bolmaǵan da, kólikte qınalyp óletin edim», – deıdi Sholpan Begaıdarova.

Keıin belgili bolǵanyndaı áıeldi polıtsııanyń arnaıy jasaq qyzmetkerleri qutqarǵan eken.

«Biz top bolyp Abaı dańǵylynyń boıymen batys baǵytta kele jatyp, kósheniń arǵy betinde qaptaǵan adamdardy baıqadyq. Basynda búlikshiler jınalyp, kóliktegi adamdardy tonap jatyr eken dep oıladyq. Jaqyndap kelgende, jaraqat alǵan qyzdy kórdik, ol óz kóliginde qansyrap jatty. Eń aldymen jgýtty baılap, qandy toqtattyq. Tez áreket etý kerek boldy. Ýaqytty bosqa ótkizbeı, ózimiz jaqyn mańdaǵy aýrýhanaǵa aparyp tastadyq. Osy kúnge deıin onyń jaǵdaıy qalaı eken degen suraqpen júrdik. Búgin qyzdyń aýrýhanadan shyqqanyn jáne onyń jazylyp kele jatqanyn bildik. Shyn júrekten qýanyshtymyz. Sholpannyń tezirek saýyǵyp ketýine tilektespiz», – dedi polıtsııa qyzmetkeri.Polıtsııa qyzmetkerleri bolmaǵanda, óler edim – Almatyda jappaı tártipsizdik kezinde jaraqat alǵan áıel



Avtor Alma Muqanova
Basty sózder: Vıdeo, Almaty tragedııasy, Almaty,
Joǵary qaraı