Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Polıtsııa qyzmetkerleri kishkentaı eki aqtóbeliktiń tilegin oryndady

2021 jyldyń 22 qańtar 2021 06:36

AQTÓBE. QazAqparat – Beısenbi kúni Ekaterına men Gleb Fateevter Aqtóbe oblystyq Polıtsııa departamentiniń mýzeıine baryp, Jedel basqarý ortalyǵynyń jumysymen tanysty, dep habarlaıdy QazAqparat tilshisi.

Aqtóbelik polıtseıler eki oqýshyǵa arnap, murajaı men Jedel basqarý ortalyǵyna ekskýrsııa uıymdastyrdy.

«Meniń kishi qyzym Ekaterına 7 jasta, al ulym Gleb 10 jasta. Qyzym polıtsııa qyzmetkerlerin kórgen kezde qatty qyzyǵyp, olardyń jumysyna tamsana qaraıtyn. Olarmen tanystyrýdy, jumys ornyn kórsetýdi surady. Ótinishin quqyq qorǵaýshylarǵa jetkizdim. Olar birden kelisim berip, búgin kezdesý sáti tústi», - deıdi Elena Fateeva.





Polıtsııa departamentiniń murajaı meńgerýshisi Aısha Óteýlına Elızaveta men Glebke qyzyqty ekskýrsııa ótkizdi. Ol murajaıda saqtalǵan sırek kezdesetin eksponattardy kórsetti, ótken ǵasyrdaǵy quqyq qorǵaý organdary qyzmetkerleriniń qıyn da qajyrly jumysy jáne qazirgi zamanǵy polıtsııa qyzmetkerleri týraly aıtyp berdi. Gleb atys qarýy men sýyq qarýy bar stendke úlken qyzyǵýshylyq tanytty. Alǵys retinde Elızaveta polıtsııa týraly óleńderin oqydy, al Gleb skrıpkada «Aqsısa» kompozıtsııasyn oryndady. Odan ári balalar Jedel basqarý ortalyǵyna bardy. Olar beınebaqylaý kameralarynyń jumysyn óz kózimen kórdi.

Qyzyqty ekskýrsııa sońynda polıtseıler balalarǵa ústel oıyndaryn tabys etti.

«Maǵan ekskýrsııa óte unady. Ásirese mýzeıde kóptegen qyzyqty eksponattar bar. Sondaı-aq ekranda kameralardyń kómegimen meniń mýzykalyq mektebimdi kórdim. Men óskende patrýldik polıtsııa qyzmetkeri bolǵym keledi», - dedi Gleb Fateev.








Joǵary qaraı