Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Poıyzda temeki shekken sheteldikterge 91 890 teńge aıyppul salyndy

2022 jyldyń 23 sáýir 2022 00:53

NUR-SULTAN. QazAqparat – Kólik polıtseıleri poıyzda temeki shekken 2 shetel azamatyna 91 890 teńge aıyppul saldy, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.

Baspasóz qyzmetiniń málimetterine qaraǵanda, jyl basynan beri elimizdiń kólik polıtseıleri túrli ákimshilik quqyq buzýshylyq jasaǵany úshin 14 447 quqyq buzýshyny, onyń ishinde jekelegen qoǵamdyq oryndarda temeki shegýge tyıym salýdy buzǵany úshin 303 quqyq buzýshyny ákimshilik jaýapqa tartty.

«Máselen, bıylǵy jyldyń 20 sáýirinde Petropavl stantsııasyndaǵy Jelilik polıtsııa bóliminiń qyzmetkerleri «Petropavl – Qyzylorda» baǵytyndaǵy jolaýshylar poıyzynyń tambýrynda temeki shekken eki er adamdy anyqtady. Tekserý barysynda olar 1962 jáne 1992 jyly týǵan Reseı men Ózbekstannyń azamattary ekendigi anyqtaldy.

Quqyq buzýshylarǵa qatysty QR ÁQBtK-niń 441-babynyń 1-bóligi (QR zańnamasymen belgilengen oryndarda temeki ónimderin tutynýǵa tyıym salýdy buzý) boıynsha ákimshilik hattamalar toltyrylyp, árqaısysyna 45 945 teńge somasynda 15 AEK aıyppul salyndy»,-delingen habarlamada.


Basty sózder: Aıyppul, Kólik,
Joǵary qaraı