Aýa raıy
Astana 25 °S
Almaty 26 °S
valıýta baǵamy
USD 405.69
EUR 455.51
RUB 5.72
CNY 57.42

Poıyzdan sekirip, razezdegi úıdi tonaǵan 51 jastaǵy kúdikti ustaldy

2019 jyldyń 12 qarasha 2019 20:55

KÓKShETAÝ. QazAqparat - Aqmola oblysynda júrip kele jatqan poıyzdan sekirip, razezdegi úıdi tonaǵan 51 jastaǵy kúdikti ustaldy. Bul týraly QazAqparat tilshisi oblystyq Polıtsııa departamentiniń baspasóz qyzmetine silteme jasap habarlaıdy.

Vedomstvonyń málimetinshe, qarashanyń 11-de Arshaly aýdandyq PB kezekshi bólimine jergilikti temirjol razeziniń turǵynynan aryz túsken.

Aryzdanýshy áıeldiń sózinshe, ózin kúıeýiniń tanysy dep tanystyrǵan beıtanys er adam onyń úıin tonap ketken.

«Jedel izdestirý barysynda Temirtaý qalasynyń 51 jastaǵy turǵyny ustaldy. Belgili bolǵandaı, er adam júrip kele jatqan poıyzdan sekirip túsken. Sekirgen kezde ol aıaǵyn jaraqattap alǵan. Biraq, soǵan qaramastan kúdikti jaqyn mańdaǵy jeke turǵyn úıge kirip, kózine túsken uıaly telefon men planshetti jymqyrdy. Keıin avtokólik jolyna shyǵyp, jolaı kezdesken kólikpen Nur-Sultan qalasyna jetip almaq boldy», -deıdi vedomstvodan.

Qazirgi kezde kúdiktiniń ústinen QR QK 191-baby boıynsha is qozǵalyp, sotqa deıingi tergeý amaldary júrgizilýde.

Avtor Aslan Ospanov
Basty sózder: Aqmola oblysy, Oqıǵa,
Joǵary qaraı