Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Poıyzdarda jolaýshylarǵa qyzmet kórsetýdiń jańa standarttary qabyldanady

2020 jyldyń 5 tamyz 2020 17:40

NUR-SULTAN. QazAqparat - Elimizde vokzaldar men poıyzdarda jolaýshylarǵa qyzmet kórsetýdiń jańa standarttary qabyldanady. Bul týraly QR Indýstrııa jáne ınfraqurylymdyq damý mınıstrligi Avtomobıl joldary komıtetiniń tóraǵasy Saıranbek Barmaqov málim etti, dep habarlaıdy QazAqparat tilshisi.

«Temir joldyń jyljymaly quram parkin jańartýǵa 657 mlrd teńge, onyń ishinde jekemenshik kózderden 455 mlrd teńge bólý josparlanǵan. 2025 jylǵa deıin magıstraldyq temir jol jelisiniń tozýyn 49 paıyzǵa deıin jáne lokomotıvterdi 58 paıyzǵa deıin tómendetý kózdelgen. Osy jyly 50 vagon satyp alyndy. Sondaı-aq, áleýmettik mańyzy bar oblysaralyq qatynastardy sýbsıdııalaý boıynsha jumys jalǵasýda. Oǵan qazirdiń ózinde 20 mlrd teńge bólindi», - dedi komıtet tóraǵasy Ortalyq kommýnıkatsııalar qyzmetindegi baspasóz máslıhatynda.

Sonymen qatar ol búgingi tańda temir jol tasymaldary naryǵynda salaýatty básekelestikti damytýǵa baǵyttalǵan Temir jol kóligi týraly zańnyń tujyrymdamasy ázirlenip jatqanyn aıtty.

«Munan basqa, vokzaldar men poıyzdarda jolaýshylarǵa qyzmet kórsetýdiń jańa standarttary qabyldanatyn bolady. Bul jolaýshylardy temirjol kóligimen tasymaldaý sapasyn joǵarylatýǵa áser etedi», - dedi Saıranbek Barmaqov.


Joǵary qaraı