Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Pragada «Ahmet Baıtursynuly jáne Alash» kitabynyń tusaýkeseri ótti

2022 jyldyń 24 naýryz 2022 20:59

PRAGA. QazAqparat – Pragada qazaq ǵalymy, aǵartýshysy, qoǵam jáne saıası qaıratkeri Ahmet Baıtursynulynyń 150 jyldyǵyna, sondaı-aq «Alash» qozǵalysynyń mádenı murasyna arnalǵan dóńgelek ústel otyrysy ótti, dep habarlaıdy QazAqparat.

QR Syrtqy ister mınıstrliginen málim etkendeı, is-shara aıasynda Qazaqstan Respýblıkasynyń Cheh Respýblıkasyndaǵy Elshiliginiń bastamasymen «Ahmet Baıtursynuly jáne Alash» kitabynyń tusaýkeseri ótti. Kitap alǵash ret cheh jáne aǵylshyn tilderine aýdarylyp, oǵan qazaq mádenıetiniń kórnekti qaıratkerleri men qazirgi zamanǵy «Alashtanýshy» ǵalymdardyń eńbekteri endi. Qazaq tilinen aǵylshyn tiline aýdarýdy Qazaqstan Respýblıkasynyń Ulttyq aýdarma bıýrosy júzege asyrdy.

«Іs-shara barysynda qazaq memlekettiligin qalyptastyrý máseleleri talqylanyp, Qazaqstannyń táýelsizdik kezeńindegi jetistikteri týraly syndarly pikir almasý boldy. A. Baıtursynuly men «Alash» qozǵalysynyń el tarıhy men ulttyq sanasyn qalyptastyrýdaǵy biregeı róli atap ótildi», - delingen QR SІM habarlamasynda.

Tanymal cheh ǵalymy, professor Iırjı Shıma óz sózinde: «Men óz halqym men elimniń tarıhyn zerttep qana, ótken ǵasyrdyń sońynda jańadan paıda bolǵan táýelsizdiktiń erekshe qundylyǵyn túsine bastaıtyndyǵyma senimdimin», – dep atap ótti.

Kezdesýge qatysýshylar ulttyq tarıhty jan-jaqty jáne tereń zertteýdiń mańyzdylyǵyn atap ótti.

Qazaqstandyq taraptan onlaın formatta «Egemen Qazaqstan» Respýblıkalyq gazeti» AQ Basqarma tóraǵasy Darhan Qydyráli, Sh. Ýálıhanov atyndaǵy tarıh jáne etnologııa ınstıtýtynyń dırektory Zııabek Qabyldınov, A. Baıtursynuly atyndaǵy Til bilimi ınstıtýtynyń dırektory Anar Fazyljanova, QR BǴM Ǵylym komıtetiniń Memleket tarıhy ınstıtýty dırektorynyń orynbasary Búrkitbaı Aıaǵan, L.N. Gýmılev atyndaǵy Eýrazııa ulttyq ýnıversıtetiniń professory Sataı Syzdyqov, E.A. Býketov atyndaǵy Qaraǵandy memlekettik ýnıversıtetiniń etnomádenı jáne tarıhı-antropologııalyq zertteýler ortalyǵynyń jetekshisi Záýresh Saqtaǵanova, M.V. Lomonosov atyndaǵy Máskeý memlekettik ýnıversıtetiniń professory Altaıy Orazbaeva qatysty.

Qazaqstan Elshiligi Karlov ýnıversıtetine «Ahmet Baıtursynuly jáne Alash» kitaptaryn cheh jáne aǵylshyn tilderinde syıǵa tartty.

Aıta keteıik, Ahmet Baıtursynulynyń 150 jyldyq mereıtoıy 2022 jyly atalyp ótiletin ıÝNESKO-nyń Aıtýly mereıtoılar tizimine qosylǵan bolatyn.


Joǵary qaraı