Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Premer-Mınıstr: Baǵany qymbattatýǵa eshbir sebep joq

2020 jyldyń 15 qyrkúıek 2020 10:29

NUR-SULTAN. QazAqparat - Búgin Úkimet otyrysynda Premer-Mınıstr Asqar Mamın áleýmettik mańyzy bar taýarlar baǵasyn retteý men azyq-túlikpen qamtamasyz etý baǵytynda tapsyrmalar berdi, dep habarlaıdy QazAqparat tilshisi.

«Biz ımportqa táýeldilikti azaıtý úshin jumys istep jatyrmyz. Baǵany qymbattatýǵa eshbir sebep joq. Áleýmettik mańyzy bar taýarlardyń barlyq túrleri boıynsha baǵanyń turaqtylyǵyna qatań baqylaý qamtamasyz etiledi», - dedi Úkimet basshysy.

Osy oraıda ol tıisti tapsyrmalar júktedi.

«Halyqaralyq astyq naryǵynda qalyptasyp otyrǵan konıýnktýrany eskerip, Aýyl sharýashylyǵy mınıstrligi ákimdiktermen birlesip, syrtqy jaǵdaıǵa jáne azyq-túlik qorynyń jetkilikti bolýy men áleýmettik mańyzy bar taýarlar baǵasynyń turaqtylyǵyna monıtorıngti jalǵastyrýy qajet. Ekinshiden, Aýyl sharýashylyǵy mınıstrligi «qaıtarymdy shema» arqyly saýda jelilerine jeńildikti qaryz berý mehanızimin keńeıtý, sondaı-aq áleýmettik mańyzy bar taýarlar baǵasynyń turaqtylyǵyn qamtamasyz etý úshin forvardtyq satyp alý praktıkasyn barlyq óńirlerde engizýdi tapsyramyn», - dedi Asqar Mamın.

Munymen qosa, Premer-Mınıstr azyq-túlik qaýipsizdigin qamtamasyz etý úshin ákimdikterge ımportqa táýeldi taýarlar óndirisin ulǵaıtý boıynsha jobalardy basym tártippen iske asyrýdy tapsyrdy.

«Aýyl sharýashylyǵy mınıstrligi men ákimder ózimizde óndiriletin azyq-túliktiń, ásirese, kartop, un, sábiz jáne qaraqumyq jarmasy baǵasyn ósirýge jol bermeýi qajet. Eldiń barlyq qajettiligin tolyǵymen qamtamasyz etý úshin olar jetkilikti kólemde óndiriledi. Ákimder osy máseleni erekshe baqylaýǵa alsyn», - dedi ol.


Joǵary qaraı